Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
“VATAN TARAQQIYOTIGA MENING HISSAM” TANLOVINING VILOYAT BOSQICHI BO’LIB O’TDI
2022-12-17 15:39:23 210
Ahmad Farg’oniy nomidagi viloyat axborot-kutubxona markazida Respublika Ma'naviyat va ma'rifat markazi viloyat bo’limi hamda mas'ul tashkilotlar hamkorligida “Vatan taraqqiyotiga mening hissam” tanlovining viloyat bosqichi bo’lib o’tdi. Unda 15 yoshdan 30 yoshgacha bo’lgan 100 nafarga yaqin o’g’il-qizlar ishtirok etdilar.
Tanlovning shahar va tuman bosqichlarida qatnashgan qariyb 900 nafarga yaqin ishtirokchilar orasidan saralab olingan g’oliblikka nomzodlar “Tasviriy va amaliy san'at”, “Adabiyot va publitsistika”, “Milliy maqom va milliy estrada” yo’nalishlarida o’z bilim va ko’nikmalarini, ijodiy imkoniyatlarini ko’rsatdilar.
Iste'dodli, tashabbuskor, o’z kasbining ustasi bo’lgan iqtidorli yoshlar hakamlar hay'ati tomonidan munosib baholab borildi.
E'tiborlisi Prezidentimiz tashabbusi bilan yoshlar ma'naviyatini yuksaltirish va ularning bo’sh vaqtini mazmunli tashkil etish bo’yicha joylarda 5 ta muhim tashabbus doirasida olib borilayotgan ishlar samarasi tanlov davomida o’g’il-qizlarning shijoat va intilishlarida o’z ifodasini topdi.
Yakunda Rishton tumanidan Sarvinoz Abdumannonova tasviriy va amaliy san'at, Qo’shtepa tumanidan Abdulaziz Abduhoshimov adabiyot va publitsistika, Quva tumanidan Muxtasar Hojimurodova esa milliy maqom va estrada yo’nalishida birinchi o’rinni qo’lga kiritdi.
Taqdirlash marosimida viloyat hokimining o’rinbosari Fayzullo Qosimov ishtirok etdi va yana bir bor yoshlarni doimo o’qib-o’rganishga, yurtga munosib farzand bo’lishga chorladi.
G’oliblarga diplom va esdalik sovg’alari topshirildi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
