Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
FARG’ONALIK BOLAJONLARGA PREZIDENT SOVG’ALARI TOPSHIRILDI
2022-12-29 19:09:46 500
Bugun Farg’ona shahridagi viloyat teatr-kontsert saroyida farg’onalik o’g’il-qizlar uchun “Prezident archasi” bayrami tashkil etildi. Tadbirda viloyat hokimi Xayrullo Bozorov ishtirok etdi.
Viloyat hokimi bolajonlarni kirib kelayotgan yangi yil bayrami bilan tabriklab, ushbu bayram arafasida o’g’il-qizlar uchun "Prezident archasi" tadbirlari tashkil etilib, Prezidentimiz sovg’alari topshirilishi o’ziga xos an'anaga aylanganligini, bu yil ham viloyatimiz bo’yicha 800 nafar bolajonlarga ana shunday sovg’alar topshirilishini aytib o’tdi. Kelajagimiz egalarini Davlatimiz rahbarining g’amxo’rliklari hamda e'tiborlariga munosib ravishda yaxshi o’qib, hunar egallab, yurt manfaati, xalq farovonligi uchun xizmat qiladigan insonlar bo’lib voyaga yetishga chorladi.
Shundan so’ng tarkibida 14 turdagi shirinliklar, 3 turdagi o’quv qurollari, elektron kitob, termos va shaxmat jihozlari bo’lgan "Prezident sovg’alari" bolajonlarga tantanali tarzda topshirildi. Mehribonlik uylari tarbiyalanuvchilari, ota-ona qarovisiz qolgan bolalar, ota-onalari Vatan sarhadlarini himoya qilish yo’lida qurbon bo’lgan bolalar hamda ijtimoiy himoyaga muhtoj oilalar farzandlari bunday g’amxo’rlikdan sevinchga to’ldilar. Joriy yilda mazkur sovg’alar tarkibiga Mehribonlik uylari, Oilaviy bolalar uylari, SOS bolalar mahallalari hamda “Mehrli maktab”ning 12 yoshdan katta bo’lgan tarbiyalanuvchilari uchun zamonaviy elektron kitoblar ham kiritildi.
Yangi yil bayramiga teatrlashgan bayram tomoshasi esa barchaga bir olam quvonch bag’ishladi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
