Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
VATAN HIMOYACHILARI KUNIDA QUVA TUMANIDA HARBIYLARGA MA'MURIY BINO VA YANGI UY-JOYLAR FOYDALANISHGA TOPSHIRILDI
2023-01-14 19:22:08 613
Bugun 14 yanvar – Vatan himoyachilari kuni hamda Qurolli Kuchlarimizni tashkil topganligining 31 yilligi bayrami munosabati bilan Quva tumani Anorzor qishlog’idagi harbiy qismda Davlat xavfsizlik xizmatining Chegara qo’shinlari harbiy xizmatchilari uchun qurib bitkazilgan yangi ma'muriy bino, ijtimoiy infratuzilma ob'ektlari hamda xizmat uylarini foydalanishga topshirish marosimi bo’lib o’tdi.
Tadbirda viloyat hokimi, viloyat harbiy-ma'muriy sektori rahbari Xayrullo Bozorov, viloyat sektorlari hamda huquq-tartibot va xavfsizlikni ta'minlovchi organlari rahbarlari, harbiy xizmatchilar va jamoatchilik vakillari ishtirok etdilar.
Viloyat hokimi harbiylarni bayram bilan qutlab, Prezidentimiz tomonidan boshlangan islohotlar harbiy sohada o’z ijobiy natijasini ko’rsatayotgani, harbiy-ma'muriy sektorlar tashkil etilib, joylarda davlat hokimiyati organlari ham mamlakatimiz mudofaa qudratini mustahkamlashda faol ishtirok etib kelayotgani haqida to’xtalib o’tdi.
Ko’plab harbiy qismlarda, chegara qismlarida zamonaviy talablar asosida yangi binolarni barpo etish, moddiy-texnika bazasini mustahkamlash borasida keng ko’lamli ishlar olib borilgani ta'kidlandi.
Chegara qo’riqlash vzvodi harbiy xizmatchilariga 2 qavatli ma'muriy bino va 3 qavatli 24 xonadonli yangi turar-joyni foydalanishga topshirilishi ham harbiylarga e'tibor va rag’batning yana bir namunasi sifatida qayd etildi. Hududda barpo etilgan stadion, bolalar o’yingohi va boshqa ob'ektlar harbiylarga va ularning oilalariga qulayliklar yaratishi aytib o’tildi.
Shundan so’ng 2 va 3 xonali yangi kvartiralar kalitlari o’z egalariga tantanali topshirildi. Askar va ofitserlarga, kursantlarga sovg’alar va kitoblar ham taqdim etildi.
Manzildagi shart-sharoitlar bilan tanishilib, uy egalari bilan suhbatlashildi. Nuroniy otaxonlar duoga qo’l ochib, yurtga tinchlik-osoyishtalik, oilalarga qut-baraka tiladilar.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
