1. Bosh sahifa

VILOYAT HOKIMI XAYRULLO BOZOROV, POLKOVNIK HARBIY UNVONI HAMDA I DARAJALI “NAMUNALI XIZMATI UCHUN” KO’KRAK NISHONI BILAN TAQDIRLANDI

×

Viloyat hokimi Xayrullo Bozorovga O’zbekiston Respublikasi Mudofaa Vazirining 2023 yil 11 yanvardagi shaxsiy tarkib bo’yicha 1-son buyrug’i bilan polkovnik harbiy unvoni berildi.

“Harbiy-ma'muriy sektorga sifatli rahbarlik qilib kelayotganligi, viloyat hududida harbiy shaharchalar infratuzilmalarini takomillashtirish orqali davlatimizning mudofaa qudratini mustahkamlashga qo’shayotgan hissasi, o’tkazilayotgan o’quvlarda ko’rsatayotgan faolligi, shuningdek xalq va armiyaning birdamlikka erishishi hamda o’sib kelayotgan yosh avlodni harbiy-vatanparvarlik ruhida tarbiyalash, milliy ifxtixor tuyg’usini shakllantirishga qaratilgan tadbirlarni tashkillashdagi hamkorligi uchun Farg’ona viloyati hokimi Bozorov Xayrullo Hayitbayevichga zahiradagi polkovnik harbiy unvoni hamda shaxsiy raqam berilsin” deyiladi buyruqda.

Viloyat hokimi Xayrullo Bozorov, shuningdek, Mudofaa Vazirining 3-son buyrug’i bilan, O’zbekiston Respublikasi mudofaa qobiliyatini mustahkamlash yo’lida faol ishtiroki uchun I darajali “Namunali xizmati uchun” ko’krak nishoni bilan taqdirlandi.

Bugun Farg’ona shahrida 14 yanvar - Vatan himoyachilari kuni hamda Qurolli Kuchlarimizni tashkil topganligining 31 yilligi munosabati bilan bo’lib o’tgan bayram tadbirida Sharqiy harbiy okrug qo’shinlari qo’mondoni, polkovnik Lutfulla Buzrukov ushbu buyruqlarni o’qib eshittirdi va harbiy unvon guvohnomasi hamda ko’krak nishonini viloyat hokimiga tantanali ravishda topshirdi.

Farg’ona viloyati hokimligi va viloyat jamoatchiligi nomidan viloyat hokimi, viloyat harbiy-ma'muriy sektori rahbari Xayrullo Hayitbayevich Bozorovni ushbu yuksak unvon va mukofot bilan tabriklaymiz.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram