1. Bosh sahifa

FARG’ONA SHAHRIDA MILLIY GVARDIYA HARBIY XIZMATCHILARIGA YANGI UYLAR TOPSHIRILDI

×

Bugun Farg’ona shahri Tarona ko’chasida bunyod etilgan ko’p qavatli uylardan Milliy gvardiya xodimlariga xonadonlar kalitlarini topshirish marosimi bo’lib o’tdi.

Tadbirda viloyat hokimi Xayrullo Bozorov, Milliy gvardiya viloyat bo’yicha boshqarma boshlig’i Shavkat Akbarov, viloyat ichki ishlar boshqarmasi boshlig’i Muhiddin Jo’rayev ishtirok etdilar.

Tinchlik va totuvlik timsoli Navro’z bayrami Farg’onada ham ko’tarinki ruhda, yuqori kayfiyatda, xayru saxovat tadbirlari bilan o’tayotganini qayd etgan viloyat rahbari, bayram bilan yig’ilganlarni qutladi. Prezidentimiz tashabbusi bilan yurtimizda har jabhada amalga oshirilayotgan islohotlar mazmun-mohiyati bilan xalqimiz manfaatlariga, inson qadrini ulug’lashga, osoyishtaligimizni munosib himoya qilishga xizmat qilayotganligiga e'tibor qaratdi. Xususan, huquqni muhofaza qiluvchi organlar faoliyatini takomillashtirish va ular uchun qulay sharoitlar yaratish borasida ham katta ishlar olib borilayotganligi qayd etilib, aholi tinchligi va osoyishtaligini ta'minlashda Milliy gvardiya harbiy xizmatchilarining ham munosib o’rni borligi alohida e'tirof etildi.

Ushbu xonadonlar Milliy gvardiya xodimlari va ularning oila a'zolari uchun haqiqiy kichik Vatan bo’lishligiga tilak bildirildi.

2 ta 9 qavatli turar-joy binolarida joylashgan 20 ta xonadon kalitlari harbiy xizmatchilarga tantanali tarzda topshirildi.

Mehmonlar xonadonlar egalari bilan bir piyola choy ustida dildan suhbat qurib, yangi uylardagi sharoitlar bilan tanishdilar.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram