1. Bosh sahifa

XITOY KOMPANIYASI TOMONIDAN VILOYATIMIZDA AMALGA OSHIRISH REJALASHTIRILAYOTGAN QUYOSH PANELLARI ISHLAB CHIQARISH LOYIHASI MUHOKAMA QILINDI

×

Viloyat xokimi Xayrullo Bozorov Xitoyning “Jiangsu Jingdao New Energy Technology Co.,Ltd” kompaniyasi vakili Zhao Jian Jia hamda ularning Farg’ona viloyatidagi mahalliy hamkorlarini qabul qildi.

Uchrashuvda “Jiangsu Jingdao New Energy Technology Co.,Ltd” kompaniyasi tomonidan Farg’ona viloyatida amalga oshirish ko’zda tutilayotgan quyosh panellari ishlab chiqarish hamda qurilish uchun zarur xomashyo bo’lgan sifatli metal profillar ishlab chiqarish loyihalari muhokama qilindi.

Xitoylik mehmon, viloyat rahbariga Farg’onada amalga oshirishni rejalashtirayotgan maishiy iste'molchilar, sanoat korxonalari hamda energiya stantsiyalari uchun mo’ljallangan quyosh panellari ishlab chiqarish hamda qurilish ob'ektlari uchun yengil konstruktsiyali metal profillar ishlab chiqarish bo’yicha loyihalarni taqdim qildi.

Har ikki loyihani qo’llab-quvvatlanishini bildirgan viloyat hokimi, ularni amalga oshirish bo’yicha mutasaddilar tomonidan hamkorlikda ish tashkil etilishini ma'lum qildi.

Shuningdek, xitoylik investorga Farg’ona shahridagi Ekoshahar massivi hududida tashkil etilayotgan kichik sanoat zonasida yangi loyihalarni amalga oshirish uchun mavjud qulayliklar va sharoitlar haqida ma'lumot berildi.

Uchrashuvda muhokama qilingan loyihalarni amalga oshirish jarayonining navbatdagi bosqichlari belgilab olindi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram