1. Bosh sahifa

FARG’ONADA “O’ZBEKISTON QAHRAMONLARI” KITOB-ALBOMINING TAQDIMOTI BO’LIB O’TDI

×

Respublika Ma'naviyat va ma'rifat markazi tashabbusi bilan nashr etilgan ushbu kitob-albomning Farg’ona davlat universitetida o’tkazilgan taqdimotida davlat va jamoat tashkilotlari vakillari, universitet professor-o’qituvchilari, talaba yoshlar qatnashdilar.

Tadbirda ishtirok etgan viloyat hokimining o’rinbosari Fayzullo Qosimov qahramonlarning hayoti zamonamiz yoshlari uchun haqiqiy ibrat maktabi ekanini qayd etdi.

Ushbu kitob-albom millatimiz qahramonlariga ehtirom sifatida yaratilganligi, unda Vatanimiz taraqqiyotiga beqiyos hissa qo’shib, “O’zbekiston Qahramoni” yuksak unvoni hamda “Oltin Yulduz” medali bilan taqdirlangan 103 nafar yurtdoshimizning ibratli hayoti va faoliyati haqida hikoya qilishi bilan ahamiyatlidir. Tadbirda ishtirok etgan O’zbekiston Qahramoni Ulug’bek Umarov o’z minnatdorchiligini bildirib, fidoyilik bilan mehnat qilgan har bir kishi qahramon bo’lishi mumkinligini qayd etdi.

Kitobda hayotning turli sinovlariga qaramay sabot bilan mehnat qilib, xalqimiz farovonligi yo’lida xizmat qilgan davlat va jamoat arboblari, olimlar, ishchi-xizmatchilar, ustozlar, dehqon va chorvadorlar, san'at va madaniyat xodimlari, barcha jabhalarda olib borilayotgan yuksak bunyodkorlik ishlarida doimo kamarbasta bo’lgan zamondoshlarimizning umr yo’llari aks etgan.

Farg’onalik qahramonlar haqida videorolik namoyish etildi, talabalar tomonidan tayyorlangan musiqiy chiqishlar barchaga manzur bo’ldi. Tadbir so’ngida Respublika Ma'naviyat va ma'rifat markazi viloyat bo’limi tomonidan O’zbekiston Qahramoni Ulug’bek Umarovga esdalik sovg’alari topshirildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram