1. Bosh sahifa

"ONAJON, SIZNI JUDA YAXSHI KO’RAMAN!"

×

Viloyatimizda uchinchi marotaba o’tkazilayotgan "Onalarga ehtirom" festivali joylarda yuqori ko’tarinkilik bilan tashkil etilmoqda.

Quva tumanidagi "O’zbegim" tantanalar saroyida viloyat Maktabgacha va maktab ta'limi boshqarmasi tomonidan "Onalarga ehtirom" tadbiri o’tkazildi.

Marosimga boshqarma ishchi xodimlari hamda Maktabgacha va maktab ta'limi sohasi mutasaddilari o’z onalari bilan birga tashrif buyurdilar.

Fayzli dasturxon atrofida jam bo’lganlarni viloyat Maktabgacha va maktab ta'limi boshqarmasi boshlig’i Sherzod Dolimov qutladi.

Tadbir doirasida rahbar tashabbusi bilan boshqarma tomonidan tayyorlab qo’yilgan esdalik sovg’a va guldastalarni barcha yig’ilganlar o’z onalariga taqdim etib, "Onajon, men Sizni juda yaxshi ko’raman!" deb hurmat bajo keltirdilar.

Marosimda so’z olganlar yurtimizga tinchlik, barchaning kasbi-koriga baraka, ta'lim sohasiga rivoj tiladilar. 

Munis onaxonlar bugungi e'tibor va e'tirofdan mamnun bo’lib, tadbir tashkilotchilariga minnatdorchilik bildirdilar.

Tadbirda yaponiyalik mutaxassis Goto Mikako ham ishtirok etdi.

Kuy va qo’shiqlar, davradagi o’yin-kulgular tadbirga o’zgacha fayz kiritdi.

Viloyat Maktabgacha va maktab ta'limi boshqarmasi axborot xizmati

Bizni ijtimoiy tarmoqlarda kuzating
Facebook, Telegram, Facebook, YouTube, Instagram