1. Bosh sahifa

RISHTONDA QURILISHI YAKUNLANAYOTGAN KULOLCHILIK MARKAZI, MEHMONXONA VA MAISHIY XIZMAT KO’RSATISH MARKAZIDAN IBORAT MAJMUA TUMANNING YANGI “TASHRIF QOG’OZI”GA AYLANADI

×

Viloyat hokimi Xayrullo Bozorov ijtimoiy-iqtisodiy sohada amalga oshirilayotgan ishlar, tumandagi investitsiya loyihalarining ijrosi bilan tanishish maqsadida viloyat prokurori Baxtiyor Ismoilov bilan birga bugun Rishton tumanida bo’ldi.

Viloyat rahbari o’rganishlar jarayonida tadbirkor Islomjon Orifjonov rahbarligidagi “Chinor plyus-2020” korxonasi tomonidan amalga oshirilayotgan va qurilish-jihozlash ishlari yakunlanayotgan Kulolchilik markazi, mehmonxona va maishiy xizmat ko’rsatish markazidan iborat majmua loyihasini ko’zdan kechirdi.

Oqer MFY hududida joylashgan ushbu majmuaning dastlabki loyiha qiymati 35 milliard so’m deb belgilangan bo’lsa, loyihani amalga oshirish jarayonida kiritilgan o’zgarishlar hisobiga bugunga kunda majmua qurilishiga kiritilgan investitsiya miqdori 50 milliard so’mdan oshdi. Bu mablag’ning 25 milliard so’mini O’zsanoatqurilishbank krediti tashkil etsa, qolgan qismi tadbirkorning o’z mablag’lari hisobiga to’g’ri keladi. Loyihani qisqa muddatda sifatli yakunlash va foydalanishga topshirish uchun tadbirkorga yana qo’shimcha 5 milliard so’m bank krediti ajratiladigan bo’ldi.

Tez orada foydalanishga topshirilishi rejalashtirilayotgan turistik majmuada mehmonxona, sauna, yozgi va qishki basseyn, banketlar zali va boshqa xizmat ko’rsatish shaxobchalari joylashgan bo’lib, Rishton turistik salohiyatining yanada rivojlanishiga o’z hissasini qo’shadi. Ushbu majmuaga yondosh hududda Kulolchilik markazi ham barpo etildi. Majmuada jami 500 ga yaqin doimiy ish o‘rinlari yaratilmoqda.

Viloyat hokimi tashrif buyuruvchilar uchun qulayliklarni oshirish bo’yicha o’z tavsiyalarini berdi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram