FARG’ONADA BO’LIB O’TGAN XALQARO O’RTOQLIK UCHRASHUVIDA “NEFTCHI” FUTBOLCHILARI ROSSIYANING “URAL” JAMOASI BILAN DURANG O’YNASHDI

Farg'ona viloyati hokimi
Hayrullo Hayitbayevich Bozarov

Ijtimoiy tarmoqlar

Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati

<<	Yanvar 2025					>>
DU	SE	CH	PA	JU	SH	YA
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

.

Saytni baholash

Hozir saytda 93 nafar foydalanuvchi Ishonch telefoni statistikasi
Ishonch telefoniga berilgan baholar

FARG’ONADA BO’LIB O’TGAN XALQARO O’RTOQLIK UCHRASHUVIDA “NEFTCHI” FUTBOLCHILARI ROSSIYANING “URAL” JAMOASI BILAN DURANG O’YNASHDI

2023-07-06 22:26:03 393

PDF yuklash

Chop etish

Bugun Farg’onadagi “Istiqlol” o’yingohida “Neftchi” futbolchilari, Rossiya Premer-ligasi vakili, YEkaterinburgning “Ural” jamoasiga qarshi xalqaro o’rtoqlik uchrashuvida maydonga tushishdi. O’rtoqlik uchrashuvi maqomiga qaramasdan keskin kurashlarga boy o’tgan o’yinda hisob ochilmadi: 0-0

Uchrashuv oldidan “Ural” jamoasi bosh murabbiyi Viktor Goncharenkoga o’zbekona udumlarga muvofiq to’n va do’ppi kiygizib, belbog’ bog’landi.

Bugungi uchrashuvda jamoamiz tarkibiga Eronning "Sanat Naft" klubidan kelib qo’shilgan tajribali yarim himoyachi Sharof Muhiddinov, shuningdek, jamoada ko’rikdan o’tayotgan 24 yoshli frantsiyalik markaziy hujumchi Vahib Tahra maydonga tushdilar. Kelib chiqishi jazoirlik bo’lgan Tahra, Frantsiyaning “Red Star” klubi tarbiyalanuvchisi hisoblanadi, ushbu jamoa safida, shuningdek, Angliyaning quyi liga klublaridan Tamworth hamda Tunis professional ligasi vakili Sidi Bouzid tarkibida to’p surgan. Jazoir o’smirlar terma jamoasi a'zosi bo’lgan.

13 iyul kuni viloyatimiz futbolchilari, “Ekaterinburg Arena”da bo’lib o’tadigan javob o’yini uchun Sverdlovsk viloyatiga borishadi.

Farg’ona va Sverdlovsk viloyatlari bosh jamoalarining o’zaro o’rtoqlik uchrashuvlari, Sverdlovsk viloyati gubernatori YEvgeniy Kuyvashev boshchiligidagi delegatsiyaning joriy yil aprel oyida Farg’ona viloyatiga tashrifi davomida viloyat hokimi Xayrullo Bozorov bilan o’tkazilgan muzokaralarda erishilgan kelishuv doirasida o’tkazilmoqda.