1. Bosh sahifa

FARG’ONADAGI CENTRAL ASIAN MEDICAL UNIVERSITY HAMDA GERMANIYANING MANGEYM UNIVERSITETI KLINIKASI O’RTASIDA HAMKORLIK O’RNATILDI

×

Farg’onadagi Central Asian Medical University (Markaziy Osiyo tibbiyot universiteti) hamda Germaniyaning Mangeym universiteti klinikasi o’rtasida hamkorlik yo’lga qo’yildi. Viloyatimizda bo’lib turgan klinika rahbari Freddi Bergmann kecha oliygohda bo’lib, Central Asian Medical University rektori Nurillo Mamasodiqov bilan muzokaralar o’tkazdi.

Freddi Bergmann tibbiy xizmatlar ko’rsatish sohasida viloyatimizning yirik kompaniyalaridan biri bo’lgan, hozirgi kunda tarkibida deyarli barcha yo’nalishlarni qamragan 10 ta tibbiy diagnostik klinikalar faoliyat olib borayotgan “Meridian Diagnostic Hospital” MChJ muassisligidagi tibbiyot muassasalarida ham bo’lib, yaratilgan sharoitlar va imkoniyatlar bilan tanishdi.

“Meridian Diagnostic Hospital” MChJ shifokorlarining Germaniyada malaka oshirish va tajriba almashinishlarini yo’lga qo’yish, viloyatimizdagi tibbiyot muassasalariga germaniyalik malakali shifokorlarni jalb etgan holda amaliy seminarlar hamda murakkab amaliyotlar o’tkazish, Central Asian Medical University hamda Mangeym universiteti o’rtasida qo’shma ta'lim dasturlarini yo’lga qo’yish, talabalar va professor-o’qituvchilar almashinuvi, qo’shma tadqiqotlar o’tkazish kabi ko’p tomonlama hamkorlik bo’yicha kelishib olindi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram