Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
FARG’ONA SHAHRI VA YEKATERINBURG O’RTASIDA HAMKORLIKNI YO’LGA QO’YISH BO’YICHA KELISHUV BAYONNOMASI IMZOLANDI
2023-07-10 19:59:44 590
Bugun Rossiyaning Sverdlovsk viloyati markazi YEkaterinburg shahrida “Barqaror sanoat: Yangilash strategiyalari” mavzusida ish boshlagan “Innoprom” xalqaro sanoat ko’rgazmasi tadbirlari doirasida Farg’ona shahri va YEkaterinburg o’rtasida hamkorlikni yo’lga qo’yish bo’yicha kelishuv bayonnomasi imzolandi.
Farg’ona shahar hokimining o’rinbosari Abdug’ani Arabboyev va YEkaterinburg shahar meri Aleksey Orlov tomonidan imzolangan bayonnoma, ikki shahar o’rtasida savdo-iqtisodiy, investitsiyalar, ta'lim, yoshlar siyosati, sport, turizm, madaniyat va boshqa sohalarda keng ko’lamli hamkorlikni ko’zda tutadi.
Kelishuv doirasida shuningdek, ikki shahar vakillari tomonlar hududida o’tkaziladigan yarmarka va ko’rgazmalarda o’zaro ishtirok etish, shahar xo’jaligining boshqaruvi, shaharsozlik hamda infratuzilmalarning rejalashtirilishi borasida o’zaro tajriba almashish, qo’shma festivallar, madaniyat kunlari, kontsertlar tashkil etish, doimiy ravishda talabalar hamda ilmiy-pedagogik xodimlar almashinuvini yo’lga qo’yish kabi hamkorlik masalalari ham o’rin olgan.
35 ta mamlakatdan 700 dan ziyod kompaniyalar ishtirokida bo’lib o’tayotgan “Innoprom” xalqaro sanoat ko’rgazmasida Farg’ona viloyati tadbirkorlari ham alohida stend bilan ishtirok etishmoqda. Ko’rgazma ochilish tadbirida Rossiya Bosh vaziri Mixail Mishustin ishtirok etdi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
