1. Bosh sahifa

“TASHABBUSLI BYUDJET”NING IKKINCHI MAVSUMIDA FARG’ONA VILOYATIDA UMUMIY QIYMATI 122 MLRD. 381 MLN. SO’MLIK 97 TA LOYIHA G’OLIB BO’LDI

×

2023 yilning ikkinchi mavsumi uchun “Tashabbusli byudjet” uchun ovoz berish jarayoniga Farg’ona viloyati bo’yicha jami 3390 ta loyiha ilgari surilgan edi. Ularning 2837 tasi tasdiqlangan. Tashabbuslarni qo’llab-quvvatlab, 2 mln. 782 ming 376 ta ovoz berilgan.

2023 yilning ikkinchi mavsumi uchun o’tkazilgan tanlovda Farg’ona viloyatida 97 ta loyiha g’olib bo’ldi. G’olib loyihalarning umumiy qiymati 122 mlrd. 381 mln. so’mni tashkil etadi. 

Ilgari surilgan va g’olib bo’lgan loyihalarga e'tibor qaratadigan bo’lsak, ichki yo’llarni (piyodalar yo’lakchasi, yo’l o’tkazgichlar) ta'mirlash bilan bog’liq tadbirlar eng ko’p g’olib bo’lgan – 44 ta loyiha. Keyingi o’rinda umumta'lim maktablarini ta'mirlash va moddiy texnika bazasini rivojlantirish tadbirlari turibdi – 14 ta loyiha. Uchinchi o’rinda sog’liqni saqlash muassasalarini ta'mirlash va moddiy texnika bazasini rivojlantirish tadbirlari – 13 ta loyiha. Ko’cha chiroqlarini o’rnatish yoki ta'mirlash (transformator, simyog’och o’rnatish) tadbirlari bilan bog’liq 9 ta loyiha g’oliblar orasidan o’rin olgan. Qolgan barcha g’olib bo’lgan tashabbuslar 17 tani tashkil etadi.

Hududlar kesimida olib qaraganda, Qo’qon shahrida summasi 9,5 mlrd. so’mga teng 8 ta loyiha, Farg’ona shahrida umumiy qiymati 8,6 mlrd. so’mdan ziyod bo’lgan 7 ta loyiha, O’zbekiston va Qo’shtepa tumanlarining har birida qiymati 7,92 mlrd. so’mga teng 6 tadan loyiha g’olib bo’lgan. Rishton, Quva tumanlarida, Marg’ilon shahrida ham 6 tadan, Bag’dod, Beshariq, Buvayda, Oltiariq, Toshloq, Uchko’prik, Farg’ona tumanlarida 5 tadan, Dang’ara va Yozyovon tumanlarida 4 tadan, Quvasoy shahri, Furqat va So’x tumanlarida 3 tadan loyiha g’olib bo’lgan.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram