Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
VILOYAT HOKIMI XAYRULLO BOZOROV YAYPANDAGI YANGIDAN FOYDALANISHGA TOPSHIRILGAN “NURONIYLAR MASKANI” BILAN TANISHDI
2023-11-03 09:57:05 5912
O’zbekiston tumanida bo’lgan viloyat hokimi Xayrullo Bozorov shu yili tuman markazida yangidan foydalanishga topshirilgan “Nuroniylar maskani” bilan tanishdi.
1980 yillarda barpo etilib, so’nggi vaqtlarda ta'mirtalab ahvolga kelib qolgan maskan shu yili “Tashabbusli byudjet” dasturi doirasida hamda tuman hokimligi tashabbusi bilan mukammal ta'mirlanib, Xotira va qadrlash kuni arafasida foydalanishga topshirildi.
Xayrullo Bozorov va viloyat sektor rahbarlari bu yerda keksalar uchun yangidan yaratilgan munosib sharoitlarni ko’zdan kechirdilar. Oqsoqollar bilan suhbatlashildi.
Maskanda nuroniylarning mazmunli dam olib, vaqtlarini chog’ o’tkazishi uchun barcha qulayliklar yaratilgan. Kutubxona, choyxona, ma'naviyat, tibbiyot xonalari, sport-sog’lomlashtirish zali zamonaviy jihozlangan. Bino atrofida ham keng ko’lamdagi obodonlashtirish va ko’kalamzorlashtirish ishlari bajarilib, yangi va ko’rkam ko’rinishga ega majmua tashkil etildi.
Muloqotlarda piru-badavlatlarning ibratli hayot yo’li, turli jabhalardagi fidokorona faoliyati yosh avlodni ona-Vatanga muhabbat, milliy istiqlol g’oyalariga sadoqat, umrboqiy an'ana hamda qadriyatlarimizga hurmat va ehtirom ruhida tarbiyalashda katta ahamiyatga ega bo’layotganligi haqida so’z bordi.
Tuman nuroniylari ham yurtimizdagi tinchlik hamda osoyishtalikka shukrona aytib, yaratilayotgan bunday qulaylik va imkoniyatlar uchun Davlatimiz rahbaridan behad mamnunliklarini izhor etdilar.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
