1. Bosh sahifa

UZSALAMAN POYABZALLARINI MARG’ILON SHAHRIDA ISHLAB CHIQARISH YO’LGA QO’YILDI

×

Viloyat hokimi Xayrullo Bozorov, Marg’ilon shahridagi yangi investitsion loyihalar, aholi bandligini ta'minlash, ijtimoiy-iqtisodiy sohalarda amalga oshirilayotgan ishlar bilan tanishish jarayonida “Edgar 777” MChJ tomonidan amalga oshirilgan poyabzallar ishlab chiqarish korxonasi bilan tanishdi.

Ko’p yillar davomida Farg’ona shahrida faoliyat olib borgan “Uzsalaman” korxonasining vorisiyligi asosida tashkil etilgan, loyiha qiymati 5 mlrd. so’m bo’lgan ushbu korxonada 50 dan ortiq doimiy ish o’rni yaratilgan bo’lib, korxona yillik 10 mlrd. so’mlik sifatli mahsulot ishlab chiqarish quvvatiga ega. Korxona yangi “UzEdgar” brendi ostida ham mahsulotlarini bozorga taqdim etmoqda.

Farg’ona viloyatida mahoratli kosiblar qatlami mavjudligi, viloyatda ishlab chiqarilayotgan poyabzallarga mamlakatimiz ichki bozorida hamda qo’shni davlatlarda katta talab borligini qayd etgan viloyat hokimi, loyihani yanada kengaytirish, xalqaro bozorlarga chiqish, ishlab chiqarish hajmini va ish o’rinlarini ko’paytirish bo’yicha o’z tavsiyalarini berib, loyiha tashabbuskorlariga bu borada har tomonlama ko’maklashishga tayyor ekanliklarini bildirdi.

Viloyat hokimi, tarmoq tortish ishlarini jadallashtirish, ishlarning sifatli bajarilishini ta'minlash bo’yicha mutasaddilarga ko’rsatmalar berdi

Bizni ijtimoiy tarmoqlarda kuzating
Facebook, Telegram, Facebook, YouTube, Instagram