Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
ZULFIYA NOMIDAGI DAVLAT MUKOFOTI TANLOVINING FARG’ONA VILOYAT BOSQICHI O’TKAZILMOQDA
2023-11-17 12:50:41 2436
Bugun Farg’ona jamoat salomatligi tibbiyot instituti tadbirlar zalida Zulfiya nomidagi Davlat mukofoti tanlovining viloyat bosqichi tashkil etildi.
Ochilish tadbirida viloyat hokimining o’rinbosari – viloyat Oila va xotin-qizlar boshqarmasi boshlig’i Komila Kavlanova so’z olib, mazkur tanlov iste'dodli qizlarni tanlash, ularning iqtidorini ro’yobga chiqarish, ijodkor, san'atsevar, olima, oqila, shoira, sportchi qizlar safini yanada kengayib borishida muhim o’rin tutayotganiga to’xtaldi. Viloyatimizda 30 nafar iqtidorli qizlar Zulfiya nomidagi Davlat mukofoti sovrindorlari bo’lishganini qayd etib, tanlovning viloyat bosqichiga yetib kelgan barcha qizlarni tabrikladi, ularga omad tiladi.
Ma'lumki, Zulfiya nomidagi Davlat mukofoti uchun 7 ta yo’nalishda yutuqlarga erishgan o’n to’rt yoshga to’lgan va o’ttiz yoshdan oshmagan iqtidorli qizlar qatnashish xuquqiga ega. Bu yilgi tanlovning shahar-tuman bosqichida ham 882 nafar iqtidorli qizlar ishtirok etib, ular orasidan 162 nafari viloyat bosqichida qatnashmoqda.
Tadbir davomida ishtirokchilarning ijodiy ishlari, siyosiy-ijtimoiy bilimlari, urf-odatlar, milliy qadriyatlarni bilishi, ko’rik-tanlovlardagi ishtiroki, iste'dodini bir necha yo’nalishlarda ko’rsata olganligini o’rganish uchun shu yo’nalishlarga mas'ul bo’lgan tanlov komissiyasi a'zolari tanishtirildi.
Shundan so’ng barcha nomzodlar ta'lim, fan, adabiyot, madaniyat, san'at, sport va jamoatchilik yo’nalishlarida o’z imkoniyatlarini namoyon etishga kirishdilar.
Tanlov yakunida komissiyasi a'zolari tomonidan eng munosib nomzodlar Respublika komissiyasiga tavsiya etiladi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
