1. Bosh sahifa

FARG’ONADA “YANGI NAFAS” YUGURISH MUSOBAQASI KO’TARINKI KAYFIYATDA O’TKAZILDI

×

Bugun respublikamizning barcha hududlarida bo’lgani kabi Farg’onada ham O’zbekiston Respublikasi davlat bayrog’i qabul qilingan kunga bag’ishlangan “Yangi nafas” ommaviy yugurish musobaqasi bo’lib o’tdi.

Viloyat hokimligi, viloyat Yoshlar siyosati va sport bosh boshqarmasi, viloyat ichki ishlar boshqarmasi, Sharqiy harbiy okrug qo’mondonligi hamda boshqa mas'ul tashkilotlar hamkorligida tashkil etilgan musobaqada yoshlar, keksalar hamda jismoniy imkoniyati cheklangan shaxslar qatnashdi.

Musobaqa ishtirokchilari Farg’ona shahrining Ahmad Farg’oniy ko’chasidan Islom Karimov nomidagi viloyat teatr va kontsert saroyigacha bo’lgan 3 kilometrli masofani bosib o’tdilar.

Viloyat teatr va kontsert saroyi old sahnasida musobaqa g’oliblari va sovrindorlarini tantanali taqdirlash marosimi o’tkazildi. Taqdirlash marosimida viloyat hokimining o’rinbosari Fayzullajon Qosimov ishtirok etdi.

Musobaqaning yakuni bilan, xavaskorlar o’rtasida Temurbek Abdulazizov, qizlardan Asal Karimova 1-o’rinni egalladi.

Professional sportchilar o’rtasida 1-o’ringa Ruxshod Ma'murov, qizlar orasidan Saboxat Samijonova munosib ko’rildi.

Jismoniy imkoniyati cheklangan shaxslar o’rtasida Xasanboy Zokirov, qizlardan Muxlisa Mahmudova g’oliblikni qo’lga kiritdi.

Xudoyberdi Abdushukurov musobaqaning eng yosh ishtirokchisi, Xasanboy Alifshayev esa musobaqaning eng yoshi ulug’ ishtirokchisi deb topildi.

G’olib va sovrindorlarga diplom va esdalik sovg’alar topshirildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram