Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
PREZIDENT SOVG’ALARI FARG’ONALIK BOLAJONLARGA SHODLIK ULASHDI
2023-12-28 16:44:10 7490
Bugun Farg’ona shahridagi Islom Karimov nomidagi teatr-kontsert saroyida farg’onalik o’g’il-qizlar uchun “Prezident archasi” bayram tadbiri tashkil etildi. Unda viloyat hokimi Xayrullo Bozorov, viloyat IIB boshlig’i Azizbek Ikramov, Milliy gvardiya viloyat bo’yicha boshqarma boshlig’i Shavkat Akbarov ishtirok etdilar.
Tadbirda viloyat hokimi bolajonlarni yangi yil bayrami bilan tabrikladi. Yangi yil bayramida Davlatimiz rahbarining alohida e'tiborlari va g’amxo’rliklari bilan o’g’il-qizlar uchun "Prezident archasi" bayram tadbirlari tashkil etilib, Muhtaram Prezidentimizning sovg’alarini taqdim etish o’ziga xos an'anaga aylanganligini, bu yil ham viloyatimiz bo’yicha 814 nafar bolajonlarga ana shunday sovg’alar topshirilishini aytib o’tdi. Bunga munosib ravishda kelajagimiz egalarini yaxshi o’qib, hunar egallab, yurt manfaati, xalq farovonligi uchun xizmat qiladigan insonlar bo’lib voyaga yetishga chorladi.
Shundan so’ng oilaviy bolalar uylari hamda "Muruvvat" bolalar internat uylari tarbiyalanuvchilari, ota-ona qarovisiz qolgan bolalar, ota-onalari Vatan sarhadlarini himoya qilish yo’lida qurbon bo’lgan o’g’il-qizlarga "Prezident sovg’alari" tantanali tarzda topshirildi.
Shuningdek, viloyatimiz shahar va tumanlarida yashovchi ijtimoiy himoyaga muhtoj oilalarning 400 nafar farzandlariga viloyat hokimining Yangi yil sovg’alari ham topshirildi.
"Qor malikasi uchun sehrli yurak" nomli ertak shou-spektakl esa barchaga bir olam quvonch bag’ishladi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
