1. Bosh sahifa

VILOYAT HOKIMI FARG’ONA SHAHRIDAGI “MARKAZIY DEHQON BOZORI”DA AHOLIGA KO’RSATILAYOTGAN XIZMATLAR SIFATI HAMDA NARX-NAVOLAR BILAN TANISHDI

×

Viloyat hokimi Xayrullo Bozorov viloyat prokurori Baxtiyor Ismoilov bilan birga bugun Farg’ona shahridagi “Markaziy dehqon bozori”da bo’lib, aholiga ko’rsatilayotgan xizmatlar sifati hamda narx-navolar bilan tanishdi, arzonlashtirilgan Yangi yil savdo yarmarkasini ko’zdan kechirdi.

Yangi yil bayrami arafasida oziq-ovqat mahsulotlariga talab oshishini inobatga olib, barcha turdagi mahsulotlarning yetarli miqdorda yetkazib berilishini ta'minlash, narxlarni barqaror ushlab turish bo’yicha mas'ullarga ko’rsatmalar berildi, gigiyena talablariga rioya etilishi ustidan nazoratni kuchaytirish vazifasi yuklatildi.

Yangi yil munosabati bilan viloyatimizning 19 ta shahar va tumanlarida arzonlashtirilgan Yangi yil savdo yarmarkalari faoliyat olib bormoqda. Bu savdo yarmarkalarida 32 turdagi kundalik zaruriy oziq-ovqat mahsulotlari bozor narxidan o’rtacha 15-20 foiz arzon sotilishi ta'minlanyapti. Narx-navo oshib ketmasligiga erishish bo’yicha mahalliy hokimliklar, prokuratura huzuridagi iqtisodiy jinoyatlarga qarshi kurashish departamenti, soliq va monopoliya idoralari mas'ul xodimlari biriktirilgan.

Viloyatimizda asosiy turdagi oziq-ovqat mahsulotlari aylanmasini, narx-navosini, mavjud ehtiyoj va talablarni kunlik tahlil qilish borasida olib borilayotgan ishlar yanada kuchaytirilishi belgilandi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram