1. Bosh sahifa

BESHARIQ TUMANINING TOJIKISTON BILAN CHEGARASIDA TASHKIL ETILAYOTGAN “ANDARXON” SAVDO-LOGISTIKA MARKAZIDA QURILISH ISHLARI JADAL DAVOM ETMOQDA

×

Viloyat hokimi Xayrullo Bozorov Beshariq tumanida Tojikiston bilan chegaradagi “Andarxon” nazorat-o’tkazish punkti yonida barpo etilayotgan “Qo’qon” erkin iqtisodiy zonasiga bog’liq Savdo-logistika markazi qurilish ishlarining borishi bilan tanishdi.

Ma'lumki, 2023 yilning mart oyida viloyat hokimi Xayrullo Bozorov va Tojikistonning So’g’d viloyati raisi Rajabboy Ahmadzoda ishtirokida mazkur Savdo-logistika markazi poydevoriga ramziy tamal toshi qo’yilgan edi.

Mazkur Savdo-logistika markazi 6 gektar maydonda joylashishi ko’zda tutilgan bo’lib, loyiha qurilishiga 86 mlrd. so’m miqdorida mahalliy investitsiya kiritilishi rejalashtirilgan. Majmuadan 200 ta savdo do’konlari, mehmonxona, bank, logistika markazi va kafe-restoranlar joy olishi belgilangan. Savdo-logistika markazi ishga tushirilishi natijasida O’zbekiston hamda Tojikiston Respublikasida faoliyat olib borayotgan tadbirkorlarning ishlab chiqargan mahsulotlari savdo do’konlariga joylashtiriladi hamda savdo aloqalariga keng imkoniyatlar yaratiladi. Bu joyda xizmat ko’rsatish sohasida ming nafar aholi bandligini ta'minlash ko’zda tutilgan.

“Sobirtepa” massivi hududidagi ushbu Savdo-logistika markazining qurilishi ikki qo’shni davlat o’rtasidagi hamkorlik aloqalarini yanada mustahkamlash, mintaqaviy ulgurji va chakana savdoni rivojlantirish uchun muhim poydevor bo’ladi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram