1. Bosh sahifa

KOREYANING CHUNGCHONGNAM-DO PROVINTSIYASI GUBERNATORI BOSHCHILIGIDAGI DELEGATSIYANING VILOYATIMIZGA TASHRIFI SAMARALI YAKUNLANDI

×

Farg’ona viloyatiga ikki kunlik amaliy tashrif bilan kelgan Koreya Respublikasining Chungchongnam-do provintsiyasi gubernatori Kim Tae Xeum boshchiligidagi delegatsiya vakillari bugun Farg’ona shahridagi Koreya xalqaro universiteti – KIUF faoliyati bilan tanishdilar. 

Kim Tae Xeum, Chungchongnam-do shahridagi Sun Moon universitetining hamkori bo’lgan oliygoh talabalari bilan muloqot qildi, ular uchun yaratilgan sharoitlar va qulayliklar bilan tanishdi.

Safar yakuni bo’yicha viloyat hokimi Xayrullo Bozorov va gubernator Kim Tae Xeum o’rtasida yana bir uchrashuv tashkil etildi. Unda viloyatimizda Koreya sanoat parkini tashkil etish hamda unga koreys investorlarining loyihalarini joylashtirish, turizm sohasida hamkorlik qilish, Farg’onaga koreyalik turistlarni jalb etish imkoniyatlarini kengaytirish, viloyatimiz hududida turistik xizmat ko’rsatish markazlari, golf maydonlari barpo etish loyihalariga Koreya sarmoyalarini yo’naltirish istiqbollari muhokama qilindi.

Chungchongnam-do provintsiyasi gubernatori Ta Xeum Kim boshchiligidagi delegatsiya Farg’ona viloyatiga amaliy tashrifini yakunlab, Toshkentga jo’nab ketdi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram