1. Bosh sahifa

FARG’ONADA IJRO INTIZOMI BO’YICHA SEMINAR TASHKIL ETILDI

×

Viloyat hokimligi kichik majlislar zalida Adliya vazirligi bilan hamkorlikda O’zbekiston Respublikasi Prezidentining Farmon, qaror, farmoyish va topshiriqlarni o’z vaqtida, aniq va to’laqonli amalga oshirilishini tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirish mavzusida amaliy seminar o’tkazildi.

Unda viloyat hokimligi kotibiyat mudiri Shohidbek Aslonov, Adliya vazirligi mas'ul xodimi Jamshidbek Boboyev, viloyatimizdagi boshqarma va tashkilotlari hamda Zoom platformasi orqali shahar va tuman hokimliklarining ijro intizomiga mas'ul xodimlari ishtirok etdilar.

Seminardan ko’zlangan asosiy maqsad - soha uchun mas'ul bo’lganlar bilan yuzma-yuz muloqot qilib, O’zbekiston Respublikasi Prezidenti topshiriqlarini o’z vaqtida, sifatli bajarilishini ta'minlash, aniqlangan muammolar va ularni hal etish bo’yicha choralarni muhokama qilishdan iborat ekanligi qayd etildi.

Seminarda ishtirok etgan ushbu yo’nalishda faoliyat olib boruvchi xodimlarga ishlarni olib borish tartiblari, tegishli hujjatlar haqida yana bir bor qo’shimcha ma'lumotlar berildi. Shuningdek, O’zbekiston Respublikasi Prezidenti Farmon, qaror va topshiriqlarining “Ijro.gov.uz” ijro intizomi elektron tizimida ijrosini alohida nazorat qilish bo’yicha ham to’xtalib o’tildi.

Ishtirokchilar o’zlarini qiziqtirgan savollarga mutaxassislardan javoblar oldilar.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram