1. Bosh sahifa

XALQ DEPUTATLARI MARG’ILON SHAHAR KENGASHINING NAVBATDAGI SESSIYASI TANQIDIY MUHOKAMALAR OSTIDA O’TDI

×

Bugun Xalq deputatlari Marg’ilon shahar Kengashining navbatdagi sakson yettinchi sessiyasi bo’lib o’tdi.

Sessiya ishida viloyat hokimi Xayrullo Bozorov, Xalq deputatlari shahar Kengashi deputatlari, shahardan saylangan viloyat Kengashi deputatlari, shahar sektorlari rahbarlari, shahar hokimining tegishli o’rinbosarlari, kun tartibiga kiritilgan masalalarga aloqador davlat va jamoat tashkilotlari rahbarlari, MFYlar vakillari ishtirok etdilar.

Sessiya kun tartibidagi dastlabki masala – Marg’ilon shahrini ishsizlik va korruptsiyadan xoli hududga aylantirish hamda “Obod xonadon”, “Obod ko’cha” va “Obod mahalla” mezonlarini joriy etish yuzasidan 2024 yilning 1-choragida amalga oshirilgan ishlar hamda kelgusidagi ustuvor vazifalar yuzasidan shahar sektorlari rahbarlarining hisobotlari eshitildi.

Viloyat hokimi Xayrullo Bozorov, shahar sektorlari rahbarlari tomonidan taqdim etilgan hisobotlarni va amalga oshirilgan ishlarni o’ta qoniqarsiz baholadi. Yo’l qo’yilgan kamchiliklar qattiq tanqid qilindi.

Shahar sektorlari rahbarlariga joriy yil uchun belgilangan dasturlar va berilgan topshiriqlar ijrosini to’la ta'minlash, mahallalar infratuzilmasini yangilash, aholi turmush sharoitlarini yaxshilash bo’yicha ishlar ko’lamini oshirish, aholi bandligini ta'minlash, yangi ishlab chiqarish korxonalarini tashkil etish, sektorlar hududlaridagi kichik sanoat zonalari faoliyatini rivojlantirish yuzasidan aniq va qat'iy vazifalar yuklatildi.

Shuningdek, tanqidiy ruhda o’tkazilgan ushbu sessiyada shaharda kommunal xizmat ko’rsatish sohasida amalga oshirilgan ishlar, mavjud muammolar va ularni bartaraf etish chora-tadbirlari to’g’risida tegishli tashkilotlar rahbarlarining hisobotlari ham eshitilib, shaharda elektr, gaz, ichimlik suvi ta'minotini yaxshilash va yo’llarni ta'mirlash yuzasidan mutasaddi tashkilotlarning joriy yil yakuniga qadar har bir mahalla kesimida reja-jadvallari muhokama qilindi.

Shaharda “mahalla yettiligi” tomonidan o’z xizmat vazifalarining bajarilishi holati va aholi murojaatlari bilan ishlash samaradorligini oshirish chora-tadbirlari to’g’risidagi masala yuzasidan ham muhokamalar o’tkazildi.

Sessiya kun tartibidagi masalalar yuzasidan tegishli qarorlar qabul qilindi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram