Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
XALQARO BOLALARNI HIMOYA QILISH KUNI MUNOSABATI BILAN VILOYATIMIZDA “YANGI O’ZBEKISTONNING BAXTLI BOLALARI” SHIORI OSTIDA BAYRAM TADBIRLARI BO’LIB O’TMOQDA
2024-05-31 14:03:40 805
Bugun Farg’ona shahridagi Ahmad al-Farg’oniy nomli madaniyat va istirohat bog’ida 1 iyun - Xalqaro bolalarni himoya qilish kuni munosabati bilan “Yangi O’zbekistonning baxtli bolalari” shiori ostida bayram tadbiri bo’lib o’tdi.
Tadbirga viloyatimizning shahar va tumanlaridan nogironligi bo’lgan va kam ta'minlangan oilalarning farzandlari, oilaviy bolalar uylari tarbiyalanuvchilari taklif etildilar.
Bayram tadbirida viloyat hokimining o’rinbosari Sherzod Rahimov so’z olib, barcha bolajonlarni bayram bilan tabrikladi, ularga sihat-salomatlik, yurt koriga kamarbasta bo’ladigan insonlar bo’lib kamol topishlariga tilak bildirdi.
Tadbir davomida rasmlar ko’rik-tanlovi, shashka musobaqasida bolajonlar o’z iste'dodlarini namoyish etdilar. Baxtli bolalikni madh etuvchi she'rlar aytib, qo’shiqlar kuyladilar.
Iste'dodli o’g’il-qizlarga bayram sovg’alari topshirildi. Ular uchun maxsus harakat vositalari, eshitish anjomlari taqdim etildi.
Bayramona kontsert dasturidan zavqlanib, ne'matlar to’la dasturxon atrofida o’tirgan bolajonlarning shodligi bir jahon. Bayram tadbiri beg’ubor ko’ngillarga ko’tarinki ruh bag’ishladi. Inson qadri ulug’ yurtda yashayotgan baxtiyor bolalar davlatimiz g’amxo’rligi, juda katta e'tibor soyasida kamol topmoqdalar.
Ko’rsatilgan e'tibor va g’amxo’rlik uchun bolajonlar va ularning yaqinlari minnatdorchilik bildirdilar.
Bu kabi tadbirlar viloyatimizning shahar va tumanlarida davom etmoqda.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
