1. Bosh sahifa

FARG’ONADA ILK BOR “KITOBXON DAVLAT XIZMATCHISI” KO’RIK-TANLOVI O’TKAZILDI

×

Farg’ona shahridagi Islom Karimov nomidagi viloyat teatr-kontsert saroyida “Kitobxon davlat xizmatchisi” ko’rik-tanlovining taqdirlash marosimi bo’lib o’tdi. Unda tegishli boshqarma va tashkilot rahbarlari, mas'ullari hamda ma'naviyat tizimi xodimlari ishtirok etdi.

Farg’ona viloyati hokimligi, Respublika Ma'naviyat va ma'rifat markazi viloyat bo’limi, Davlat xizmatini rivojlantirish agentligi viloyat filiali, AOKA viloyat boshqarmasi hamda viloyat axborot-kutubxona markazi hamkorligida ilk bor o’tkazilgan “Kitobxon davlat xizmatchisi” ko’rik-tanlovi belgilangan nizom talablari asosida ko’tarinkilik bilan tashkil etildi. Ellikdan ortiq viloyat boshqarma va tashkilotlari va ularning hududiy bo’limlarida kutubxonalar tashkil etildi, davlat xizmatchilari o’rtasida kitob mutolaasi oshdi. Kitobxonlik yo’nalishida turli ma'naviy-ma'rifiy tadbirlar tashkil etilmoqda.

“Eng yaxshi kitobxon rahbar” nominatsiyasida viloyat iqtisodiyot va moliya boshqarmasi boshlig’i Zafarjon Ro’zaliyev, “Eng boy kutubxonaga ega davlat fuqarolik xizmati” nominatsiyasida agrosanoat majmui ustidan nazorat qilish inspektsiyasi viloyat boshqarmasi hamda “Eng yaxshi kitobxon davlat xizmatchisi” nominatsiyasida Quvasoy shahar hokimi maslahatchisi Husniddin Xo’janazarov birinchi o’rinni qo’lga kiritdi hamda qimmatbaho sovg’alar bilan taqdirlandi.

Erkin Vohidov ijod maktabi o’quvchilarining sahna ko’rinishlari, san'atkorlarning qo’shiqlari barchaga manzur bo’ldi.

Endilikda mazkur tanlov har yili an'anaviy tashkil etiladi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram