1. Bosh sahifa

ROSSIYANING KOLL-MARKAZ AUTSORSINGI XIZMATLARI KO’RSATISH BO’YICHA PESHQADAM KOMPANIYASI FARG’ONADA ISH BOSHLAYDI

×

Viloyat hokimi Xayrullo Bozorov Rossiyaning koll-markaz autsorsingi xizmatlari ko’rsatish bo’yicha peshqadam kompaniyasi – Audiotele AJ rahbarlari Artyom Litvinov hamda Dmitriy Faleleevni qabul qildi.

Rossiya Federatsiyasining qator shaharlarida o’z kontakt-markazlariga ega bo’lgan, 4 ming nafardan ziyod xodim faoliyat olib borayotgan Audiotele kompaniyasi tomonidan 2022 yilda mamlakatimizda tashkil etilgan “Voice solutions VB” MChJ O’zbekistondagi IT Park rezidenti hisoblanadi.

Kompaniya Toshkent shahridan so’ng Farg’onada ham koll-markaz autsorsingi xizmatlari ko’rsatish o’z filialini ochishga qaror qildi. Bugungi uchrashuvda ushbu loyiha bilan bog’liq masalalar muhokama qilindi.

Artyom Litvinov filial faoliyatini yo’lga qo’yish uchun bino tanlab olingani hamda hozirgi kunda ta'mirlash va jihozlash ishlari boshlanganini ma'lum qildi. Yangi markazda ilk bosqichda 50 ta yangi ish o’rni yaratiladi.

Uchrashuv yakunida koll-markazni tashkil etish hamda uning faoliyatini samarali tashkil etish yuzasidan o’zaro hamkorlikni ko’zda tutgan memorandum imzolandi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram