1. Bosh sahifa

VILOYAT HOKIMINING O’RINBOSARI SHOHIMARDON MFYDA YASHOVCHI FUQAROLAR UCHUN VIDEOMULOQOT SHAKLIDA QABUL O’TKAZDI

×

Bugun viloyat hokimining o’rinbosari Xojiqo’zijon Isaqov ZOOM platformasi orqali Farg’ona tumanining Shohimardon mahalla fuqarolar yig’inida yashovchi fuqarolar uchun qabul o’tkazdi.

Qurilish kompleksi tarkibiga kiruvchi boshqarma va tashkilot rahbarlari ishtirokida o’tkazilgan qabulda fuqarolarning ichki ko’chalarni asfaltlashtirish, Qayrog’och massiviga elektr va ichimlik suvi tarmog’ini tortish, poliklinika qurilish ishlarini yakuniga yetkazish, maktab va bog’cha oldiga piyodalar yo’lagi qurish, ko’cha chetlariga lotok yotqizish, Porsin ko’chasida aholi xonadonlaridan o’tadigan sel yo’liga beton lotok qo’yish kabi 10 dan ortiq murojaatlari atroflicha ko’rib chiqildi.

Har bir murojaat viloyatdagi tegishli boshqarma va tashkilotlarning rahbarlari ishtirokida shu joyning o’zida ko’rib chiqilib, hal etilishi mumkin bo’lganlariga amaliy yechimlar belgilandi. Ba'zi murojaatlarning ijobiy hal etilishi uchun hududga borilib, qo’shimcha o’rganishlar olib boriladigan bo’ldi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram