1. Bosh sahifa

FARG’ONADA XITOY PAXTA TERISH MASHINALARINI YIG’ISH LOYIHASINING AMALGA OSHIRISH JARAYONLARI YUZASIDAN INVESTORLAR BILAN UCHRASHUV O’TKAZILDI

×

Viloyat hokimi Xayrullo Bozorov Xitoyning “Shandong Swan Cotton Industrial Machinery Stock Co. Ltd” kompaniyasi vakillari bilan uchrashuv o’tkazdi.

Uchrashuvda Farg’onada Xitoy kompaniyasi tomonidan amalga oshirishga kirishilgan paxta terish mashinalarini yig’ish, texnikalarga servis xizmati ko’rsatish markazi hamda mexanizatorlar uchun o’quv markazi tashkil etish loyihasining borish jarayonlari muhokama qilindi.

“Shandong Swan Cotton Industrial Machinery Stock Co. Ltd” kompaniyasi vakillari loyiha belgilangan reja asosida amalga oshirilayotganini qayd etib, kelgusi yilda loyiha to’la ishga tushirilishini ma'lum qildilar.

Davlatimiz rahbarining respublikada paxta yig’im-terimida qo’l mehnati ulushini kamaytirish, terimni mexanizatsiyalashgan shaklda tashkil qilish bo’yicha bergan topshiriqlari ijrosi doirasida amalga oshiriladigan ushbu loyiha, paxta-to’qimachilik klasterlari hamda fermerlarga zamonaviy hamda sifatli, maqbul narxdagi paxta terim mashinalarini sotib olishga qulaylik yaratadi. Farg’ona shahridagi sobiq Mexanika zavodi hududiga joylashtirilayotgan ushbu loyiha, texnikalarga servis xizmati ko’rsatish markazi hamda mexanizatorlar uchun o’quv markazini ham o’z ichiga olgani bilan ham yanada ahamiyatlidir.

Uchrashuvda viloyat hokimining Xitoy bilan hamkorlikni rivojlantirish masalalari bo’yicha maslahatchisi Otaxon Xayrullayev ham ishtirok etdi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram