1. Bosh sahifa

KO’P YILLAR DAVOMIDA HALOL VA SAMARALI MEHNAT QILGAN MEHNAT FAXRIYLARIGA HAMDA JAMIYATIMIZDA HURMAT QOZONGAN ONALARGA “MEHNAT FAXRIYSI” KO’KRAK NISHONLARI TOPSHIRILDI

×

Farg’ona shahridagi “Vayn garden” tantanalar majmuasida turli sohalarda ko’p yillar davomida halol va samarali mehnat qilgan mehnat faxriylari hamda jamiyatimizda hurmat qozongan onalarning katta guruhiga “Mehnat faxriysi” ko’krak nishonlarini tantanali topshirish tadbiri bo’lib o’tdi.

Tadbirda viloyat hokimining birinchi o’rinbosari Xabib Sirojitdinov, “Nuroniy” jamg’armasi respublika Boshqaruvi raisi, senator Sodiqjon Turdiyev, “Nuroniy” jamg’armasi viloyat bo’limi raisi Zokirjon Rahmonov ishtirok etdilar.

Muhtaram Prezidentimiz boshchiliklarida yurtimizda olib borilayotgan islohotlarning markazida keksalarning hayot darajasi va sifatini yanada yaxshilash, ularni moddiy va ma'naviy qo’llab-quvvatlash ko’lamini kengaytirish masalasi o’rin olayotgani tadbirda alohida qayd etildi. Katta avlodning jamiyat, oilalar va mahallalarda tinchlik va osoyishtalikni ta'minlash, shuningdek, yosh avlodni ko’p asrlik an'analarimizni hurmat qilish ruhida tarbiyalash ishida o’rni beqiyos ekanligi ta'kidlandi.

Bugungi tadbirda viloyatimizning barcha shahar va tumanlaridan kelgan 75 nafar faxriylarimizga I, II va III darajali ko’krak nishonlari topshirildi.

“Mehnat faxriysi” ko’krak nishoni Davlatimiz rahbarining alohida Qarorlari bilan ko’p yillar davomida jamiyatning turli sohalarida halol va samarali mehnat qilgan nafaqa yoshidagi yurtdoshlarimizni, shuningdek, hayotini farzandlariga bag’ishlab, ularni ona-Vatanga muhabbat ruhida tarbiyalab kelgan, jamiyatimizda hurmat qozongan onalarni munosib taqdirlash maqsadida ta'sis etilgan.

Viloyatimiz taniqli san'atkorlari, ashula va raqs ansambllari ijrosidagi kuy-qo’shiqlar yig’ilganlarga yuqori kayfiyat bag’ishladi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram