1. Bosh sahifa

DAVLATIMIZ RAHBARINING TOPSHIRIG’I BILAN FURQAT TUMANIDA MILLIY HUNARMANDCHILIK SOHASIGA IXTISOSLASHGAN ZAMONAVIY UMUMTA'LIM MAKTABI TASHKIL ETILMOQDA

×

Viloyat hokimi Xayrullo Bozorov Furqat tumanidagi O’zbekiston xalq ustasi Muhammadali Yunusov rahbarligidagi “Usta Yusufjon naqqosh” oilaviy korxonasida bo’lib, milliy hunarmandchilik sohasiga ixtisoslashgan zamonaviy umumta'lim maktabini tashkil etish bo’yicha olib borilayotgan ishlar bilan tanishdi.

Yog’och o’ymakorligi, mebelsozlik, zardo’zlik va naqqoshlik kabi hunarmandchilik turlariga ixtisoslashgan ushbu zamonaviy umumta'lim muassasasi, Davlatimiz rahbarining toshpiriqlari asosida Qo’qonboy mahallasidagi sobiq suv xo’jaligi binosini mahalliy byudjet mablag’laridan qayta ta'mirlash, infratuzilma, axborot-kutubxona markazi, asbob-anjomlar, moddiy-texnika va xom ashyo bazasi bilan ta'minlash hisobiga barpo etilmoqda.

Ta'mirlash ishlarining borishini ko’zdan kechirgan viloyat hokimi, ishlarni jadallashtirish, muddatida va sifatli yakunlash bo’yicha mutasaddilarga tegishli ko’rsatmalar berdi.

Prezident Shavkat Mirziyoyev 2022 yilda viloyatimizga tashrifi davomida “Usta Yusufjon naqqosh” oilaviy korxonasida bo’lib, usta Muhammadali Yunusov bilan suhbatlashgandi, mazkur oilaviy korxona yonida maktab tashkil etish, unda hunarlar bilan birga matematika, geometriya, fizika, kimyo kabi fanlarni ham chuqurlashtirib o’qitish muhimligini ta'kidlagandi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram