Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
BUVAYDADAGI "PONSOD" MAHALLASINI OILAVIY MEBELSOZLIKNI RIVOJLANTIRISH ORQALI "ISHSIZLIKDAN XOLI HUDUD”GA AYLANTIRILISHIGA ERISHILMOQDA
2024-08-07 23:53:58 1302
Viloyat hokimi Xayrullo Bozorov viloyat sektorlari rahbarlari bilan birga Buvayda tumanida bo’lib, oilaviy tadbirkorlik, aholini o’zini o’zi band qilish orqali daromadini oshirish bo’yicha mahallalarda amalga oshirilayotgan ishlar bilan tanishdi.
“Ponsod” MFY hududida 765 ta xonadon mavjud bo’lib, 400 dan ziyod xonadon uy sharoitida mebel va stol-stullar ishlab chiqarish ishlab chiqarishga ixtisoslashtirilgan. Ushbu hunar bilan 1200 ga yaqin aholi vakillari doimiy mehnat bilan band bo’lmoqda.
Ular asosan hunarmandchilik (stol-stul karkaz va boshqalar), mebel va yog’ochdan ishlangan boshqa xalq iste'moli tovarlari ishlab chiqarish bilan shug’ullanmoqda. Buning ortidan oyiga 10 mln. so’mdan 15 mln. so’mgacha daromad olishga erishishmoqda.
Ishlab chiqarilayotgan mahsulotlar nafaqat viloyatimiz, balki respublikamizning boshqa hududlariga shuningdek, qo’shni respublikalarga xam eksporti amalga oshirib kelinmoqda.
Bugungi kunda mazkur hududni oilaviy mebelsozlikni rivojlantirish orqali “ishsizlikdan xoli hudud”ga aylantirilishiga erishilmoqda.
Viloyat hokimi xonadonlarda bo’lib, ish jarayonlarini ko’zdan kechirdi, usta-hunarmandlar bilan suhbatlashdi. Ularning olib borayotgan ishlarini yuqori baholadi. Hunarmandlarning o’z faoliyatlarini kengaytirish, bank krediti olish bilan bog’liq murojaatlari ham ijobiy hal etildi.
Shu joyda tuman sektorlari rahbarlari va tuman hokimining o’rinbosarlariga xonadon egalariga har tomonlama ko’mak berish bo’yicha ko’rsatmalar berdi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
