1. Bosh sahifa

MARG’ILON SHAHRIDA TADBIRKORLAR KENGASHI TASHKIL ETILDI

×

Marg’ilon shahar hokimligi majlislar zalida viloyat hokimi Xayrullo Bozorov viloyat prokurori Baxtiyor Ismoilov bilan birga marg’ilonlik 200 nafarga yaqin tadbirkorlar va qurilish tashkilotlari rahbarlari bilan uchrashdi.

Uchrashuvda so’z olgan viloyat hokimi Xayrullo Bozorov Davlatimiz rahbarining joriy yil 11-12 iyul kunlari viloyatimizga tashrifi davomida Marg’ilon shahrida ham bo’lib, shaharni yangicha ko’rinishga keltirish, massivlar barpo etish bo’yicha berilgan topshiriqlari ijrosi yuzasidan amaliy ishlarga kirilganini qayd etdi.

Bu jarayonda marg’ilonlik tadbirkorlar tashabbus ko’rsatishlari, salohiyatini ishga solib, berilgan imkoniyatdan unumli foydalanib, sarmoyasini ko’paytirishi, odamlarni bandligini ta'minlash, daromadini oshirishga ko’maklashishda asosiy kuch ekanligi ta'kidlandi.

Tadbirkorlarni har tomonlama qo’llab-quvvatlash, ularning mavjud muammolariga yechim izlash, tarmoqlarini yanada kengaytirish va boshqa qator masalalarni hal etilishi bo’yicha nazoratni yo’lga qo’yish maqsadida Marg’ilonda Tadbirkorlar kengashi tashkil etilishiga kelishildi. Ushbu kengash faoliyatini bevosita viloyat hokimi nazorat qilishi belgilandi.

Uchrashuv davomida “Yangi hayot” ko’chasida joylashgan 110 gektar yer maydonida “Burhoniddin Marg’iloniy xalqaro ilmiy-tadqiqot markazi” hamda zamonaviy shaharcha loyihasi, yangi qurilishlar, istirohat bog’ini qayta ta'mirlash, kichik sanoat zonalari bosh rejasi taqdimotlari o’tkazilib, ushbu qurilish ishlarida marg’ilonlik tadbirkorlar va qurilish tashkilotlari rahbarlari bosh bo’lishi kerakligi qayd etildi.

Muloqotda tadbirkorlarning takliflari tinglandi, ularning faoliyatlarini kengaytirish, ish o’rni sonini ko’paytirish bilan bog’liq masalalari ko’rib chiqilib, murojaatlarga ijobiy yechim belgilandi.

Uchrashuv davomida haftaning har shanba kuni tadbirkorlar bilan uchrashuv tashkil etilishiga kelishildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram