Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
FARG’ONALIK HAMSHIRALARNI GERMANIYAGA ISHGA YUBORILISHI REJALASHTIRILMOQDA
2024-08-14 16:53:46 1162
Viloyat hokimi Xayrullo Bozorov Shveytsariyaning "Globogate Concept AG" tashkiloti biznesni rivojlantirish direktori Yoxannes Meyerni qabul qildi.
Samimiy ruhda kechgan muloqotda farg’onalik hamshiralarni Germaniyaga ishga jalb etish va viloyatda tibbiyot kollejini ochish masalalari muhokama qilindi.
"Globogate Concept AG" tashqi mehnat migratsiyasi agentligi bilan hamkorlikda Germaniyaga hamshiralarni ishga jalb etib keladi.
500 nafar hamshirani Germaniyaga ishga taklif etish uchun Farg’onada nemis tili kurslarini tashkil etish zarurligini qayd etgan Yoxannes Meyer, 10 oy davomida nemis tili kurslari bepul o’rgatilishi hamda ushbu kurslarda qatnashgan hamshiralar Germaniyaga ishga jo’natilishini ma'lum qildi.
Shuningdek, kompaniya nemis standarti asosida Farg’onada o’rta tibbiyot bo’g’ini kadrlarini tayyorlash loyihasini amalga oshirishni rejalashtirmoqda. Dastlab Germaniya tajribasi asosida hamshiralar tayyorlash ko’zda tutilyapti.
Viloyat hokimi Oliy ta'lim, fan va innovatsiyalar vazirligi bilan hamkorlikda Marg’ilon shahridagi Ibn Sino tibbiyot texnikumida o’quv muassasasini tashkil etish mumkinligini bildirdi. Hamshiralarning nemis tilini o’rganishlari uchun Farg’ona shahridagi “Ishga marhamat” monomarkazida zarur shart-sharoit mavjudligini ta'kidladi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
