Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
VILOYAT HOKIMI YUNESKONING O’ZBEKISTONDAGI VAKOLATXONASI RAHBARINI QABUL QILDI
2024-08-14 20:32:15 905
Bugun viloyat hokimi Xayrullo Bozorov YuNESKOning O’zbekistondagi vakolatxonasi rahbari Sara Noshadini qabul qildi.
Uchrashuvda joriy yil 19-21 sentyabr kunlari Marg’ilon shahrida o’tkazilishi rejalashtirilayotgan “Atlas bayrami” milliy matolar festivaliga hozirlik ko’rish, uni o’tkazish bilan bog’liq tashkiliy masalalar bo’yicha muhokama olib borildi.
Shuningdek, festivalga tashrif buyuruvchi xalqaro ekspertlar va dizaynerlarni kutib olish va festival davomida ular uchun qulay sharoitlar yaratish bilan bog’liq tashkiliy masalalar, festivalni keng miqyosda yoritish uchun xorijiy, respublika va mahalliy OAVlarni jalb qilish masalalari yuzasidan ham fikr almashildi.
Viloyat hokimi festivalni o’tkazishga yuqori darajada tayyorgarlik ko’rilayotganini ma'lum qilib, barcha tashkiliy masalalar bo’yicha belgilangan chora-tadbirlar asosida ish tashkil qilinayotganini bildirdi.
Uchrashuvda Marg’ilon shahar hokimi Shukurulloxon Nisbatxonov, “Hunarmand” uyushmasi viloyat hududiy boshqarmasi boshlig’i Rasuljon Mirzaahmedov ham ishtirok etdilar.
Farg’ona viloyati hokimligi, YuNESKOning O’zbekistondagi vakolatxonasi, “Hunarmand” uyushmasi, Marg’ilon shahar hokimligi tomonidan boshqa xalqaro hamkorlar bilan birgalikda tashkil etiladigan ushbu festival Marg’ilon ipakchiligining dovrug’ini dunyoga tanitishda, hunar va san'atga mehri baland insonlarning o’zaro fikr va tajriba almashishida muhim o’rin tutishi bilan ahamiyatlidir.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
