1. Bosh sahifa

NODAVLAT TA'LIM MUASSASALARI KO’PAYMOQDA

×

Toshloq tumanidagi Qamchipurush mahallasida joylashgan xususiy maktabning ta'rifi juda mashhur. Dastlab o’quv markazi sifatida faoliyat ko’rsatgan bo’lib, bugungi kunda “Abu Rayhon Beruniy avlodlari” maktabiga asos solindi. Viloyat rahbari mazkur maktabda bo’lib, faoliyati bilan tanishdi. Bu yerda o’qish istagida bo’lgan yoshlar bilan suhbatlashdi.

Maktab direktori, “Shuhrat” medali sohibi Kamoliddin Roziqov viloyat rahbariga bu yerda amalga oshirilgan loyiha haqida ma'lumot berdi. 10 mlrd. so’m mablag’ evaziga 600 o’rinli yangi maktab barpo etilib, barcha sharoitlar yaratildi. Qirqdan ziyod pedagoglar faoliyat ko’rsatmoqda. O’quv markazida o’qigan o’quvchilarning 95 foizi bu yil oliy o’quv yurti talabasi bo’ldi. Bu yerda 600 o’rinli yotoqxona, kutubxona, oshxona va ma'ruzalar zali qurilishi davom etmoqda. E'tiborli jihati, bu maktabda nafaqat, viloyatimiz, balki qo’shni viloyatlardan ham o’quvchilar bor.

Viloyat hokimi maktabning sinf xonalarini ko’zdan kechirdi. Ta'lim sifatini oshirish, o’quvchilar uchun yanada qulayliklar yaratish borasida o’z takliflarini berdi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram