1. Bosh sahifa

"YANGI O’ZBEKISTON" MASSIVIDAGI ISHLARNI JADALLASHTIRISH BELGILANDI

×

Yozyovon tumanidagi “Yangi O’zbekiston” massivida 2024 yilda aholini uy-joy bilan ta'minlash bo’yicha jami 348 ta xonadondan iborat 15 ta ko’p qavatli uy-joylar qurish belgilangan. Hozirgi kunda 9 ta 188 xonadonli uy-joylarda qurilish ishlari olib borilmoqda. Bundan tashqari, xitoylik investorlar tomonidan 1 ta 2 podezli 7 qavatdan iborat bo’lgan uy-joylar qurish bo’yicha ishlar boshlab yuborildi.

Viloyat hokimi Xayrullo Bozorov shu joyda tuman sektorlari rahbarlari bilan muloqot qildi. Unda tadbirkorlarni qo’llab-quvvatlash, xorijiy investitsiyalarni jalb qilish, yangi ish o’rinlari yaratish, kichik sanoat zonalari faoliyatini rivojlantirish, ishlab chiqarish korxonalarini ko’paytirish bo’yicha ishlar yetarli darajada tashkil etilmaganligi qayd etildi.

Massivda uy-joy qurilishini tezlatish, bunda, albatta qurilish me'yorlari asosida ishlarni olib borish kerakligi ta'kidlandi. Massiv hududida kichik sanoat zonasi tashkillanib, tadbirkorlarni jalb etib, 30 sotixdan 3 qavatli binolar qurish va unda kosibchilik, hunarmandchilikni rivojlantirish bo’yicha tuman sektorlari rahbarlariga topshiriqlar berildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram