1. Bosh sahifa

QO’RIQLASH BO’LIMLARI UCHUN ZAMONAVIY BINOLAR

×

Mustaqilligimizning 33 yillik ayyomi arafasida yangitdan bunyod etilgan Yozyovon tumani qo’riqlash bo’limi ma'muriy binosi foydalanishga topshirildi.

Tantanali marosimda viloyat hokimligi, Milliy gvardiya qo’riqlash bosh boshqarmasi, viloyat qo’riqlash boshqarmasi mutasaddi rahbarlari, tuman sektorlari rahbarlari, qo’riqlash bo’limi shaxsiy tarkibi hamda keng jamoatchilik vakillari ishtirok etdi.

Tadbirda so’z olganlar yurtimizda harbiy xizmatchi va xodimlar hamda ularning oila a'zolarini ijtimoiy qo’llab-quvvatlash, osoyishtaligimiz posbonlarining turmush sharoitini yaxshilash, zamon bilan hamnafas ravishda xizmat olib borishlarini ta'minlashga alohida e'tibor qaratilayotganligini ta'kidladilar.

Zamon talablariga mos ravishda barpo etilgan ushbu maskan ham shaxsiy tarkib uchun eng ulug’ va aziz bayramga munosib tuhfa bo’lganligi qayd etildi. Bunday e'tibor, yaratilgan shart-sharoitlar barcha xodimlarga yurt osudaligi, aholi tinchligini asrash va himoya qilish, jamoat tartibini saqlash va xavfsizlikni ta'minlash, jismoniy va yuridik shaxslarni mol-mulklarini kafolatli qo’riqlashda yanada kuch-quvvat hamda shijoat bag’ishlashiga ishonch bildirildi.

Ramziy lenta qirqilib, zamonaviy qiyofa kasb etgan binoda yaratilgan shart-sharoit va qulayliklar bilan yaqindan tanishildi.

Ma'lumot o’rnida: kuni kecha Milliy gvardiya qo’riqlash boshqarmasi Dang’ara va O’zbekiston tumanlari bo’limlarining yangi binosi ochildi. Joriy yilning o’tgan davrida Qo’qon, Quvasoy shahri va Rishton tumanida yangi binolar qurilib, foydalanishga topshirilgan bo’lsa, Qo’shtepa va Quvada qurilish ishlari olib borilmoqda, Oltiariqda loyihalashtirilmoqda.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram