1. Bosh sahifa

MUSTAQILLIK BAYRAMI ARAFASIDA KEKSALIK GASHTINI SURAYOTGAN NURONIYLAR YO’QLANIB, XOLIDAN XABAR OLINMOQDA 

×

Keksalarni e'zozlash, ularga hurmat-ehtirom ko’rsatish xalqimizga xos ezgu fazilatlardan. Mamlakatimizda yoshi ulug’ insonlarni ijtimoiy qo’llab-quvvatlash, turmush sharoitlarini yanada yaxshilash, salomatligini mustahkamlashga alohida e'tibor qaratilmoqda.

Bugun viloyat hokimi Xayrullo Bozorov Farg’ona shahar Shakarqishloq MFYda istiqomat qilayotgan mehnat faxriysi Omonjon ota Hoshimov xonadonida bo’lib, otaxonni yurtimiz bo’ylab keng nishonlanayotgan Mustaqilligimizning shonli 33 yillik bayrami bilan samimiy tabrikladi.

Viloyat rahbari bilan suhbat chog’ida hayot tajribalari haqida so’zlab bergan Omonjon ota, o’tgan davrlarning qiyinchiliklari, bugungi tinch-osoyishta kunlarga osonlik bilan erishilmaganligi, bu kunlarni qadriga yetish, shukronalik hissini tuyish kerakligini ta'kidladi.

Otaxon bugun hurmat va mehr og’ushida yashayotganligi, sog’lig’i yaxshi, hayotidan rozi ekanligini aytib, doimiy e'tibor va g’amxo’rlik uchun Prezidentimizga minnatdorchilik bildirdi, xayrli duolar qilindi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram