Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
FARG’ONADA “REGISTON” XUSUSIY MAKTABI OCHILDI
2024-09-03 21:40:48 892
Viloyat hokimi Xayrullo Bozorov Farg’ona shahrida faoliyatini boshlagan “Registon” xususiy maktabining tantanali ochilish tadbirida ishtirok etdi.
Ochilish tadbirida so’z olgan viloyat hokimi yangi o’quv maskani farg’onalik yoshlar uchun haqiqiy bilim dargohiga aylanishiga, pedagogik jamoa faoliyati omadli va muvaffaqiyatli bo’lishiga ishonch bildirdi. Viloyatda ta'lim sifatini oshirish, ilg’or tajribalarni ommalashtirish borasidagi ishlarda o’qituvchilarning xizmati katta ekanligini qayd etib, nodavlat ta'lim muassasalarining o’rni ham tobora oshib borayotganligini ta'kidladi.
Ayni kunda viloyatimizda 85 ta nodavlat ta'lim muassasalari faoliyat ko’rsatayotgan bo’lib, ularda qariyb 17 mingga yaqin o’quvchi tahsil olmoqda. Joriy yilda yana 21 ta xususiy maktab tashkil etilishi rejalashtirilgan.
“Soy bo’yi” MFY hududida joylashgan ushbu maktab 2024–2025-o’quv yilidan boshlab viloyatimizda 500 nafar 1-11-sinf o’quvchilari bilan ilk faoliyatini boshladi. Bu yerda matematika, ingliz tili, IT yo’nalishlari chuqurlashtirilib o’qitiladi.
Loyiha doirasida 40 mlrd. so’m mablag’ jalb etilib, ta'lim muassasasi bugungidek ko’rkam qiyofaga keltirildi. Zamonaviy bilim dargohi 812 o’ringa mo’ljallangan bo’lib, 5 qavatli binoda 55 ta sinf xonasi, kutubxona, stadion, faollar zali hamda oshxona mavjud.
Ramziy lenta qirqilib, viloyat rahbarlari va mehmonlar ta'lim muassasasida o’qituvchi va o’quvchilar uchun yaratilgan sharoitlar bilan yaqindan tanishdi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
