1. Bosh sahifa

TADBIRKORLIK RIVOJLANSA, ISH O’RNI VA DAROMAD BO’LADI

×

Qo’shtepa tumani Quvurboshi MFYda yangi barpo etilgan xizmat ko’rsatish va savdo majmuasi yaqinda o’z faoliyatini boshladi. Tadbirkor Maqsudjon Karimov tomonidan qariyb 3 mlrd. so’m mablag’ sarf etildi. 20 ta ish o’rni yaratildi. Viloyat rahbari o’rganishlar mobaynida mazkur majmuada bo’lib, tadbirkor bilan suhbatlashdi. Tadbirkor bo’sh turgan qavatlarda o’quv markazini tashkil etish, zamonaviy servis xizmatlarini yo’lga qo’yish borasida takliflarini bildirdi.

Xayrullo Bozorov DXSh asosida qurilayotgan mahalla binosini borib ko’rdi, qurilish jarayonini tezlashtirish bo’yicha topshiriqlar berildi.

Mazkur mahalladagi bo’sh turgan binoda mebel mahsulotlari ishlab chiqarish tarmog’i tashkil etilgan bo’lib, o’ndan ortiq kishi mehnat qilmoqda. Viloyat rahbari bu yerdagi ish jarayonini ko’zdan kechirdi.

Mahalla markazidagi obodonlashtirish ishlari, bo’sh turgan binolardan samarasiz foydalanilayotgani tanqid qilindi.

Eshonguzar MFYda yosh tadbirkor Shavkatillo Mukarramov tomonidan tashkil etilgan mix ishlab chiqarish tarmog’i bilan tanishildi. Mahallaning 15 nafar yoshlari bu yerda ish bilan band. Viloyat rahbari tadbirkorga tarmoqni yanada kengaytirish, mahsulotlar turini ko’paytirish bo’yicha tavsiyalar berdi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram