1. Bosh sahifa

FARG’ONA DAVLAT UNIVERSITETIDA YANGI O’QUV YILI BOSHLANISHIGA BAG’ISHLANGAN TADBIR BO’LIB O’TDI

×

Bugun mamlakatimizning barcha hududlarida bo’lgani kabi viloyatimizdagi oliy o’quv yurtlarida ham yangi o’quv yili boshlandi.

Viloyat hokimi Xayrullo Bozorov Farg’ona davlat universitetining pedagogika va psixologiya fakultetida yangi o’quv yili ochilishiga bag’ishlangan tantanali tadbirda ishtirok etdi.

Viloyat hokimi o’z so’zida professor-o’qituvchilarni va talabalarni yangi o’quv yili bilan qutladi. Davlatimiz rahbarining “Najot – ta'limda, najot – tarbiyada, najot – bilimda” degan so’zlarini iqtibos qilib keltirgan viloyat hokimi, mustaqilligimizni mustahkamlash, yurtimiz qudratini oshirishda eng muhim omillar bu – yoshlarimizga yuqori sifatli ta'lim olishlari uchun barcha sharoitlarni yaratish hamda ular ongiga milliy qadriyatlarimizni, vatanparvarlikni, g’urur va iftixorni singdirish ekanini qayd etdi. Har bir yosh yurt uchun xizmat qilish, uning ravnaqiga bilim va kuch-g’ayratini sarflash hayotda asosiy maqsadi bo’lishligini bildirdi. Viloyat hokimi talabalikka qabul qilingan ikki yuzdan ziyod yoshlarga Mustaqillik darsini o’tdi.

Tadbir davomida universitetning bir guruh ustozlariga ilmiy unvonlar, diplom va esdalik sovg’alari topshirildi. Test imtihonlarida eng yuqori ballni olgan bir guruh talabalarning ota-onalari tashakkurnoma bilan taqdirlandi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram