1. Bosh sahifa

FARG’ONADA KUTUBXONACHILAR UCHUN MINTAQAVIY SEMINAR TASHKIL ETILDI

×

Ahmad Farg’oniy nomidagi viloyat axborot-kutubxona markazida viloyat hokimligi, O’zbekiston Respublikasi Prezidenti Adminstratsiyasi huzuridagi Axborot va ommaviy kommunikatsiyalar agentligi, Alisher Navoiy nomidagi Milliy kutubxona hamkorligida mintaqaviy seminar tashkil etildi.

Anjumanda Farg’ona vodiysi, Qoraqalpog’iston Respublikasi, viloyatlar hamda Toshkent shahar axborot-kutubxona markazlari rahbarlari, tuman va shahar axborot-kutubxona markazi mutaxassislari ishtirok etdi.

Dastlab O’zbekiston Respublikasi Prezidenti huzuridagi Davlat xizmatini rivojlantirish agentligi Farg’ona filiali rahbariyati bilan uchrashuv tashkil etilib, respublikada ilk bor “Farg’ona tajribasi” sifatida davlat xizmatchilari o’rtasida kitobxonlik madaniyatini oshirishga qaratilgan islohotlar mavzuida o’zaro tajriba almashildi.

Ikki kun davomida seminar qatnashchilari Quvasoy shahri va Quva tumani axborot-kutubxona markazida bo’lib, bu yerda yaratilgan sharoitlar, kitob fondlari hamda yangi jihozlar bilan tanishdilar. Shuningdek, Yozyovon, Toshloq, Bag’dod, Dang’ara tumani axborot-kutubxona markazi hamda Qo’qon shahridagi Amiriy kutubxonasi ish faoliyatini o’rganish asnosida kitobxonlik madaniyatini oshirish bo’yicha mahalliy hokimliklar bilan birga amalga oshirilayotgan ishlar bo’yicha fikr almashildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram