Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
VILOYATIMIZDA ZAMONAVIY, BARCHA SHAROITLARGA EGA BO’LGAN GIMNASTIKA MARKAZI YAQIN KUNLARDA FOYDALANISHGA TOPSHIRILADI
2024-09-13 14:28:09 958
Viloyatimizda zamonaviy, barcha sharoitlarga ega bo’lgan Gimnastika markazi yaqin kunlarda foydalanishga topshiriladi. Hozirda bu yerda qurilish ishlari yakuniga yetkazilmoqda.
Viloyat hokimi Xayrullo Bozorov viloyat prokurori Baxtiyor Ismoilov bilan birga Farg’ona shahridagi viloyat gimnastika sport turlariga ixtisoslashtirilgan sport maktabi negizida barpo etilayotgan Gimnastika markazining qurilish ishlarini ko’zdan kechirdi. Hududni obodonlashtirish, qurilish-ta'mirlash ishlarini sifatli bajarish borasida topshiriqlar berildi.
Prezidentimizning 2022 yil 23 dekabrdagi “Gimnastika sport turlarini yanada rivojlantirish chora-tadbirlari to’g’risida”gi qarori asosida Farg’ona shahrida ham zamonaviy moddiy-texnika va o’quv-mashq bazasiga ega bo’lgan hududiy Gimnastika sport turlariga tayyorlash markazi tashkil etish vazifasi belgilangan. “Fayz binokor” MChJ tomonidan 74 mlrd. so’m mablag’ evaziga oshxona, 100 o’rinli yotoqxona bunyod etildi, sport zali va binolar rekonstruktsiya qilinmoqda.
Shuningdek, viloyat rahbari Respublika ixtisoslashtirilgan kardiologiya ilmiy-amaliy tibbiyot markazining Farg’ona viloyat mintaqaviy filialida yangi qurilayotgan poliklinikada bo’ldi. Bu yerda pardozlash ishlari yakuniga yetkazilmoqda. Viloyat rahbari quruvchilarga qurilish ishlarini to’liq va sifatli yakunlash, jihozlash ishlarini tezlashtirish bo’yicha topshiriqlar berdi. Zamonaviy tibbiy jihozlarni, xususan, MSKT uskunasini o’rnatish borasida vazifalar topshirildi.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
