Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
VILOYATIMIZDA NODAVLAT TA'LIM MUASSASALARI SONI YANA BITTAGA KO’PAYDI
2024-09-14 11:38:51 946
Farg’ona shahrida “Yuksalish” xususiy maktabining yangi binosi foydalanishga topshirildi.
Ochilish marosimida ishtirok etgan viloyat hokimi Xayrullo Bozorov barchani yangi bilim dargohi bilan tabriklab, yurtning taraqqiyotida, inson hayotida ko’zlagan maqsadlariga erishishida faqat ilm kerakligini, u katta kuch ekanligini ta'kidladi. Mamlakatimizda ta'limga qaratilayotgan katta e'tibor zamirida bilimli, salohiyatli yoshlarni tarbiyalashdek ezgu maqsad mujassamligi, bu borada xususiy maktablar ham o’zlarining hissalarini qo’shayotganligi qayd etildi.
“Yuksalish” hususiy maktabi viloyatimizda o’z faoliyatini 2022 yilda boshlagan bo’lib, ushbu maktabda bugungi kunda 1 sinfdan 8 sinfgacha 600 nafar o’quvchilarga 120 nafar pedagog xodimlar ta'lim-tarbiya berib kelmoqda.
Yangi o’quv binosiga 38 mlrd. so’m mablag’ sarf etilib, 1000 o’rinli o’quvchi o’rni yaratildi. Maktab matematika, ingliz tili, kimyo, biologiya, fizika fanlariga ixtisoslashtirilgan. Shuningdek, robototexnika, 3D, SMM, sun'iy intellekt kabi zamonaviy fanlar ham o’qitiladi.
Ramziy lenta qirqilgach, mehmonlar maktabda yaratilgan sharoitlar bilan tanishdilar.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
