1. Bosh sahifa

OLTIARIQ TUMANI ZILOL MFYDAGI DASHT KO’CHASINING AHOLISI O’Z TOMORQASIDA ISSIQXONALAR TASHKIL ETGAN BO’LIB, YAXSHI DAROMAD TOPMOQDA

×

Bir paytlar bu chekka joy dasht, suv yo’q hudud bo’lgan. Ayni kunlarda odamlarning mehnati bilan daromad manbai topilib, 160 ta xonadon to’rt mavsumda bodring, pomidor yetishtirish bilan shug’ullanmoqda. Tomchilatib sug’orishning yo’lga qo’yilgani katta samara bermoqda.

Bugungi kunda mahallada 3 ta uzumchilik, issiqxona yetishtirish kooperatsiyasi faoliyat ko’rsatmoqda.

Viloyat hokimi Xayrullo Bozorov viloyat sektorlari rahbarlari bilan birgalikda bu yerdagi xonadonlarda bo’ldi, ularning kundalik yumushlari bilan tanishdi.

Sayfiddin Mahibullayev migratsiyadan qaytib, o’z tomorqasida 30 mln. so’m kredit olib, 2 ta issiqxona tashkil qilgan. Bahorgi mavsumda bodringdan 60 mln. so’m daromad oldi, ayni kunlarda issiqxonasida pomidor yetishtirilmoqda. Undan kamida 80 mln. so’m foyda olishni ko’zlayapti. Viloyat rahbari uning issiqxonasini ko’zdan kechirib, ishning ko’zini bilganga tomorqa katta daromad manbai ekanligini bildirdi.

Ahrorjon Ibragimov 9 sotix joyda issiqxona qurib, bodring, pomidordan ikki marta hosil olmoqda. O’rtacha daromadi 120 mln. so’m. Shu bilan birgalikda uzum yetishtirmoqda.

Suhrob Rustamov esa 30 sotix joyda issiqxona tashkil qilgan bo’lib, 15 nafar mahalla yoshlari ish bilan band. Ayni kunlarda issiqxonada pomidor yetishtirilib, ichki bozor bilan birgalikda qo’shni davlatlarga eksport qilinyapti. Uning aytishicha bu yerdan 200 mln. so’m daromad oladi.

Viloyat hokimi mahalladagi bu tajribani ommalashtirish, har bir oilani daromadli qilish uchun issiqxonalarni ko’paytirish bo’yicha tuman sektorlari rahbarlariga topshiriqlar berdi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram