1. Bosh sahifa

O’ZBEKISTON TUMANIDA XITOY KOMPANIYASI INVESTITSIYASI HISOBIDAN 150 MVT (300 MVT SOAT) BO’LGAN ELEKTR ENERGIYASINI SAQLASH TIZIMI BARPO ETILMOQDA.

×

Viloyat hokimi Xayrullo Bozorov viloyat sektorlari rahbarlari bilan birgalikda O’qchi qishlog’ida Xitoyning “China Energy Construction Gezhouba Overseas Investment Co., Ltd.” kompaniyasi tomonidan amalga oshirilayotgan quvvati 150 MVt (300 MVt soat) bo’lgan elektr energiyasini saqlash tizimini bunyod etish ishlari bilan tanishdi.

Davlatimiz rahbarining shu yilning 11-12 iyul kunlari Farg’ona viloyatiga tashrifi davomida ushbu loyiha qurilishiga start berilgan edi. Istiqbolli va yirik loyihani amalga oshirish uchun Xitoy kompaniyasi tomonidan 144 mln. dollar miqdoridagi to’g’ridan-to’g’ri investitsiya yo’naltirilgan.

Ayni kunlarda loyiha konstruktsiyalarining asosiy qismi qad rostlab, qurilish ishlari jadal davom etmoqda. Xitoydan keltirilgan, har birining quvvati 2 MVt bo’lgan, jami 90 dan ziyod ulkan akkumulyator batareyalari belgilangan manzilga o’rnatildi. Bunyodkorlik ishlarida 400 nafar quruvchi-mutaxassislar faoliyat olib bormoqda. Loyiha shu yil yakuniga qadar to’liq ishga tushirilishi ko’zda tutilgan.

Viloyat rahbari Xitoy kompaniyasi vakillari, soha mutaxassislari bilan mamlakatimizda energetika tizimini ekologik jihatdan modernizatsiya qilishga qaratilgan yirik loyihaning borishini muhokama qildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram