1. Bosh sahifa

MARG’ILON SHAHRIDA O’TKAZILAYOTGAN "ATLAS BAYRAMI" XALQARO AN'ANAVIY TO’QIMACHILIK FESTIVALI DAVOM ETMOQDA

×

Festival dasturi doirasida hunarmandchilikni rivojlantirish markazi qoshida "Hunarmandchilik biznesi va tadbirkorlikni rivojlantirish ta'lim markazi" tashkil etildi.

Markazning tantanali ochilish marosimida YuNESKOning O’zbekistondagi vakolatxonasi rahbari Sara Noshadi, Respublika “Hunarmand” uyushmasi raisi Rasuljon Mirzaahmedov, shahar hokimi Shukurulloxon Nisbatxonovlar ishtirok etdi.

Ushbu tashabbus “Markaziy Osiyodagi Ipak yo’li merosi yo’laklari – YEvropa madaniy meros yilining xalqaro ko’lami” loyihasining bir qismidir. Bu yerda hunarmandchilik va tadbirkorlik sohalarida salohiyatni oshirish, innovatsiyalar va bilim almashish mumkin. Qolaversa, rassomlar va hunarmandlarga biznesni boshqarish, marketing va elektron tijorat kabi sohalarda o’z malakalarini oshirish imkoniyatlarini taklif etadi.

“Atlas bayrami” xalqaro an'anaviy to’qimachilik festivali rivojlanish tarixi suratlarda” nomli foto ko’rgazmadan o’rin olgan tarixiy suratlarda Marg’ilon shahrida 6 yildan buyon o’tkazilib kelinayotgan “Atlas bayrami” xotiralari jonlandi. Marg’ilon hunarmandchilik tarixi haqida ham suratlar so’zlaydi.

Yosh dizaynerlarning defile ko’rgazmasida esa respublikamiz dizaynerlari bilan bir qatorda Markaziy Osiyo va YEvropa davlatlaridan kelgan mashhur liboslar dizaynerlarining milliylikka asoslangan kollektsiyalari namoyishi ishtirokchilarning hayratini oshirdi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram