1. Bosh sahifa

HUDUDLARDAGI KICHIK SANOAT ZONALARI ISHNING KO’ZINI BILADIGAN TADBIRKORLAR UCHUN KATTA IMKONIYAT BO’LMOQDA

×

Bobur Akramzoda Buvayda tumanidagi “Qo’shtepa” kichik sanoat zonasida drabilkalar hamda boshqa dastgohlarni tayyorlashni yo’lga qo’ygan. 30 nafar yoshlar bu yerda mehnat qilmoqda.

Viloyat hokimi Xayrullo Bozorov tumandagi o’rganishlari davomida bu yerda bo’lib, ishlab chiqarish jarayoni bilan tanishdi. E'tiborli jihati, korxonada ishlayotgan yoshlar 10-15 mln. so’m ish haqi olmoqda. Mahsulotlarga esa talab katta. Tadbirkor xitoyliklar bilan yangi loyiha ustida ishlayotganini ma'lum qildi. Viloyat rahbari uning loyihalarini qo’llab-quvvatlab, dastgohlarning sifatiga e'tibor qaratish, mahalliylashtirish borasida ko’rsatmalar berdi.

Shu yerdagi “Mustafo poyabzal klassik” korxonasidagi ishlab chiqarish jarayoni ko’zdan kechirildi.

“Arab” kichik sanoat zonasida “Wire-cable system Group” MChJ tomonidan elektr kabellari ishlab chiqarilmoqda. O’tgan yilda 10 mlrd. so’mlik investitsiya hisobiga ishga tushirilgan korxonada 30 ta ish o’rni yaratilgan. Viloyat hokimi ishlab chiqarish jarayoni hamda yangi loyiha bo’yicha amalga oshirilayotgan ishlarni ko’zdan kechirdi. Ayni kunlarda dastgohlarni o’rnatish ishlari olib borilayotgan bo’lib, yuqori kuchlanishga chidamli elektr kabellari ishlab chiqarish yo’lga qo’yiladi. Loyiha qiymati 8 mlrd. so’m.

“Bo’stonbuva” kichik sanoat zonasida “Moviy omad fayz” korxonasi travertin va lak-bo’yoq mahsulotlari ishlab chiqarish loyihasini amalga oshirgan. Mahsulotlar qo’shni davlatlarga eksport qilinyapti. 

Turk MFYda “Abdurauf ARM tex” MChJ tomonidan tashkil etilgan tikuvchilik korxonasida bo’lib, faoliyati bilan tanishildi. 150 nafar ayollar mehnat qilmoqda. Tadbirkorning joy bilan bog’liq masalasi bo’yicha mas'ullarga topshiriqlar berildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram