1. Bosh sahifa

VILOYAT HOKIMI XAYRULLO BOZOROV BUYUK BRITANIYANING "IMTIAZ HOLDINGS" KOMPANIYASI BOSH DIREKTORI OMAR IMTIAZNI QABUL QILDI

×

Viloyat hokimi Xayrullo Bozorov Buyuk Britaniyaning "Imtiaz holdings" kompaniyasi bosh direktori Omar Imtiazni qabul qildi.

Uchrashuvda ushbu kompaniya bilan hamkorlikda viloyatimizda zamon talablari darajasidagi futbol akademiyasini tashkil qilish, bu boradagi amaliy ishlar muhokama qilindi.

Viloyat hokimi yurtimizda yoshlarni sportga jalb qilish, ayniqsa, futbolni rivojlantirishga alohida e'tibor qaratilayotganligini qayd etib, eng birinchi futbol ham Qo’qonda tashkil topgani haqida ma'lum qildi.

O’zbekiston futbol klublari bilan YEvropa futbol klublari hamkorligini yo’lga qo’yish taklifini bildirgan Omar Imtiaz, chet eldan murabbiylarni jalb qilgan holda va mahalliy murabbiylarni xorijga yuborish orqali ularni tajriba, malaka va ko’nikmalarini rivojlantirish reja qilinayotganligi, farg’onalik yoshlarni sportga qiziqishlari yuqori ekanligini e'tiborga olib, futbol akademiyasini shu yerda tashkil etish taklifini ilgari surdi. O’zbekistondan, qolaversa, qo’shni davlatlardan ham kelgan sportchilar ushbu akademiyada o’z qobiliyatlarini ro’yobga chiqarish imkoniyatiga ega bo’lishadi.

Viloyat hokimi ushbu taklifni qo’llab-quvvatladi.

Uchrashuv davomida hamkorlikda ishlarni yo’lga qo’yish uchun yo’l xaritasi ishlab chiqilib, ish tashkil qilishga kelishib olindi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram