1. Bosh sahifa

VILOYAT HOKIMI "KUWAIT CLOVER HOLDING" KOMPANIYASI BOSH DIREKTORINI QABUL QILDI

×

Qo’qon shahrida viloyat hokimi Xayrullo Bozorov "Kuwait Clover Holding" kompaniyasi bosh direktori Ali Mohamedni qabul qildi.

Farmatsevtika, tibbiyot sohalarida yuqori sifatli va innovatsion mahsulotlar, xizmatlarni taqdim etuvchi kompaniya tomonidan viloyatimizda ham sog’liqni saqlash sohasidagi qator loyihalarga investitsiya kiritish masalalari muhokama qilindi.

Quvayt davlati bilan aloqalar yangi bosqichga kirayotganligi, Qo’qon shahrida o’tkazilayotgan biznes-forum ham bunga yaqqol misol bo’lishi, ushbu forum natijasida ikki hudud ishbilarmonlari o’rtasida yangi loyihalar boshlashga kirishilayotganligi qayd etildi.

Viloyatga investitsiya jalb qilish holati, investorlar uchun yaratilgan imkoniyatlar haqida ma'lumot berildi.

Asosiy faoliyat turi farmatsevtika bo’lgan kompaniya vakillari ushbu yo’nalishda viloyatimizda ham istiqbolli loyihalarga investitsiya kiritmoqchi ekanliklarini ma'lum qilishdi. Forum doirasida viloyatga tashrif maqsadi ham ushbu yo’nalishdagi viloyat salohiyati, imtiyozlar bilan tanishish ekanligi ta'kidlandi.

Yaqin kunlarda quvaytlik mutaxassislar guruhi viloyatimizga tashrif buyurib, o’rganishlari va hamkorlikda yangi loyihalarga kirishilishiga kelishildi.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram